Connect with us

اسرائیل کی تباہی میں اتنا وقت باقی ہے

  • دن
  • گھنٹے
  • منٹ
  • سیکنڈز

پی ایل ایف نیوز

فرزندانِ بلوچستان فلسطینی کاز کے لئے اپنی جانوں کا نذرانہ دینے کے لئے تیار ہیں۔جمعۃ الوداع یوم القدس کے طورپر منانے کا اعلان۔بین الاقوامی یکجہتی فلسطین کانفرنس اعلامیہ

بلوچستان بھر میں یوم القدس کے اجتماعات کو مشترکہ طور پر منعقد کیا جائے گا۔شہدائے یوم القدس کوئٹہ کے سرخ لہو کو رائیگاں نہیں جانے دیں گے۔

کوئٹہ: فلسطین فاؤندیشن پاکستان بلوچستان چیپٹر کے زیر اہتمام کوئٹہ پریس کلب میں بین الاقوامی یکجہتی فلسطین کانفرنس بعنوان ’’فلسطین مسلم امہ کے اتحاد کا مظہر‘‘کا انعقاد کیا گیا جس میں مختلف مذہبی و
DSCF2146

بلوچستان بھر میں یوم القدس کے اجتماعات کو مشترکہ طور پر منعقد کیا جائے گا۔شہدائے یوم القدس کوئٹہ کے سرخ لہو کو رائیگاں نہیں جانے دیں گے۔

کوئٹہ: فلسطین فاؤندیشن پاکستان بلوچستان چیپٹر کے زیر اہتمام کوئٹہ پریس کلب میں بین الاقوامی یکجہتی فلسطین کانفرنس بعنوان ’’فلسطین مسلم امہ کے اتحاد کا مظہر‘‘کا انعقاد کیا گیا جس میں مختلف مذہبی و

سیاسی جماعتوں کے رہنماؤں بشمول عوامی نیشنل پارٹی کے مرکزی نائب صدر کمانڈر خدائے داد، جمعیت اہلحدیث کے مرکزی رہنما قاضی عبد القدیر اور حافظ ناصر الدین زعمانی، جماعت اسلامی بلوچستان کے نائب امیر امان اللہ شادزئی ،سنی سپریم کونسل کے ڈپٹی چیئر مین سید حبیب اللہ شاہ چشتی، مجلس وحدت مسلمین پاکستان بلوچستان کے صوبائی سیکرٹری جنرل مولانا مقصود علی ڈومکی، پاکستان سنی تحریک کے صوبائی صدر علی بلوچ، جمہوری وطن پارٹی کے مرکزی رہنما میر عبد الرؤف ساسولی سمیت دیگر نے شرکت کی اور کانفرنس کے شرکاء سے خطاب کیا۔

نے شرکت کی ۔اس موقع پر تین سال قبل کوئٹہ میں جمعۃا لوداع یوم القدس ریلی میں ہونے والے دھماکے میں شہید ہونے والے ستر سے زائد شہدائے القدس کو خراج عقیدت پیش کیا گیا جبکہ شہدائے القدس کے لئے فاتحہ خوانی بھی کی گئی ۔
فلسطین کانفرنس سے خطاب کرتے ہوئے مقررین کاکہنا تھا کہ بلوچستان کے عوام بالخصوص کوئٹہ کے فرزند اس بات کے لئے آمادہ ہیں کہ وہ مظلوم فلسطینیوں کی مدد و نصرت کی خاطر اپنی جانوں کی قربانی پیش کریں، انکاکہنا تھا کہ امام خمینی (رح) نے رمضان المبارک کے آخری جمعہ کو یوم القدس قرار دے کر مسلم امہ کو جھنجھوڑ کر رکھ دیا ہے ۔انہوں نے کہا کہ یوم القدس منانا حریت پسندوں کا شیوا ہے اور کوئٹہ کے فرزندوں نے یوم القدس کو زندہ رکھتے ہوئے اپنی قیمتی ترین چیز جانوں کا نذرانہ دینے سے بھی دریغ نہیں کیا۔
کانفرنس سے خطاب کرتے ہوئے مقررین کاکہنا تھا کہ یوم القدس ہر مسلمان کو منانا چاہئیے اور بلوچستان کی سیاسی و مذہبی جماعتیں متفقہ طور پر قرار داد منظور کرتی ہیں کہ شہدائے یوم القدس کوئٹہ کے سرخ لہو کو رائیگاں نہیں جانے دیں گے اور بلوچستان بھر میں یوم القدس کے اجتماعات کو مشترکہ طور پر منعقد کیا جائے گا۔
مقررین نے مطالبہ کیا کہ لاکھوں فلسطینیوں کو غاصب صیہونی ریاست اسرائیل نے بے گھر کر دیا ہے تاہم انہیں جلد از جلد اپنے گھروں میں�آباد کرانے کیلئے عالمی اداروں کو ٹھوس کردار ادا کرنا ہو گا۔رہنماؤں نے کہا کہ فلسطین فلسطینیوں کا ہے جسے دنیا کی کوئی طاقت فلسطینیوں سے جدا نہیں کر سکتی ہے۔انہوں نے مزید کہا کہ پینسٹھ برسوں سے مسلمانوں کا قبلہ اول بیت المقدس صیہونی غاصبانہ تسلط میں ہے لیکن مسلم امہ تاحال یہ قبضہ چھڑانے میں ناکام نظر آ رہی ہے تاہم ضرورت اس امر کی ہے کہ مسلم امہ متحد ہو جائے اور اپنے مشترکہ دشمن اور عالمی دہشت گرد امریکہ اور اس کی ناجائز اولاد اسرائیل کے خلاف برسر پیکار ہو جائے۔
مقررین کاکہنا تھا کہ پاکستان بھر میں ہونیو الی دہشت گردانہ کاروائیوں میں امریکہ اور اسرائیل براہ راست ملوث ہیں اور بالخصوص بلوچستان کے شہر کوئٹہ میں معصوم انسانی جانوں کے قتل عام کی کڑیاں اور تانے بانے تل ابیب اور واشنگٹن سے جا ملتے ہیں۔انہوں نے کہا کہ پاکستان کو طاقتور بنانے اور پاکستان کی ترقی اور دفاع کے لئے بلوچستان کے فرزند تیار ہیں ، دفاع فلسطین دفاع پاکستان او ر دفاع اسلا م ہے۔
مقررین نے حکومت سے مطالبہ کیا کہ ملک بھر میں جمعۃ الوداع کو یوم القدس کے طور پر منانے کا اعلان کیا جائے اور یوم القدس کے جلوسوں کو مکمل سیکورٹی فراہم کی جائے جبکہ ملک دشمن امریکی اور اسرائیلی ایجنٹ دہشت گردوں کے خلاف سخت کاروائی عمل میں لا ئی جائے ،انہوں نے مطالبہ کیاکہ تین سال قبل یوم القدس ریلی میں شہید ہونے والے ستر سے زائد شہدائے القدس کے قاتلوں کو سزائے موت دے کر شہداء کے خون کا بدلہ لیا جائے۔
 
 

 {gallery}quetta{/gallery}

 

 

Click to comment

Leave a Reply

Your email address will not be published. Required fields are marked *

Copyright © 2018 PLF Pakistan. Designed & Maintained By: Creative Hub Pakistan