غزہ میں القسام بریگیڈ کے تین ٹھکانوں پر صہیونی فوج کی بمباری

قابض اسرائیلی فوج کے جنگی طیاروں نے جمعرات کی صبح کو غزہ میں تین مقامات پر الگ الگ حملے کیے ہیں. حملوں میں اسلامی تحریک مزاحمت “حماس” کے عسکری ونگ القسام بریگیڈ کے ٹھکانوں کو نشانہ بنایا گیا ہے. آخری اطلاعات آنے تک کسی قسم کے جانی نقصان کی تصدیق نہیں کی ہوئی تھی. فلسطینی ذرائع کے مطابق جمعرات کو علی الصبح قابض فوج کے جنگی طیاروں نے غزہ کے وسط میں مغراقہ کے مقام پر النصیرات کے مہاجر کیمپ کے قریب القسام بریگیڈ کےایک مرکز پر متعدد میزائل دغے. میزائلوں سے نصیرات کیمپ کے قریب ایک عمارت کو نشانہ بنایا گیا تاہم بیشتر میزائل نہیں پھٹ سکے، جس سے کسی قسم کا جانی نقصان نہیں ہوا. دوسری جانب دونوں حملے بھی مختصر وقفے کے مطابق الشجاعیہ اور الزیتون کے مقامات پر القسام بریگیڈ کے مراکز پر کیے گئے جس میں متعدد عمارتوں کو نقصان پہنچا ہے. دوسری جانب فلسطینی حکام کا کہنا ہے کہ قابض فوج کی بمباری کے باعث شہر کے کئی علاقوں میں بجلی کا نظام متاثر ہوا ہے. بجلی کی تاریں کٹ جانے سے کئی علاقوں میں بجلی کی فراہمی عارضی طور پر معطل ہو گئی ہے. ادھر فلسطینی میڈیکل ذرائع نے بھی اسرائیلی فوج کی تازہ گولہ باری کی تصدیق کی ہے تاہم میڈیکل حکام کا کہنا ہے کہ صہیونی فوج کے حملوں میں کسی شخص کے شہید یا زخمی ہونے کی کوئی اطلاع نہیں ملی.