لخلیل ۔ مرکز اطلاعات فلسطین+-
کل منگل کو قابض اسرائیلی فوج اور یہودی آباد کاروں کے فلسطینیوں پر ہونے والے پرتشدد حملوں میں کم سے کم نو فلسطینی زخمی ہوگئے۔
منگل کو اسرائیلی فوج نے غرب اردن کے جنوبی شہر الخلیل میں شاہراہ شلالہ پر اسرائیلی فوج نے فلسطینیوں پر فائرنگ کی جس کے نتیجے میں ایک شہری زخمی ہوگیا۔
مقامی ذرائع نے بتایا کہ شاہراہ الشلالہ اور پرانے بیت المقدس کی گلیوں میں فلسطینیوں اوراسرائیلی فوج کے درمیان جھڑپیں ہوئیں۔ اس موقعے پر اسرائیلی فوج کی فائرنگ سے ایک فلسطینی نوجوان زخمی ہوگیا۔ فلسطینی کو ٹانگ میں گولی ماری گئی۔ ہلال احمر فلسطین کے امدادی کارکنوں نے زخمی نوجوان کو ابتدائی طبی امداد فراہم کرنے کے بعد اسپتال منتقل کردیا۔
ادھر غرب اردن کے شمالی شہر نابلس میں برقہ کے مقام پر یہودی آباد کاروں کے ایک گروپ نے فلسطینیوں پر تشدد کیا جس کے نتیجے میں 8 فلسطینی زخمی ہوگئے۔
نابلس میں ہلال احمر کے ڈائریکٹر احمد جبریل نے بتایا کہ یہودی بلوائیوں کے حملوں میں زخمی ہونے والے 8 فلسطینیوں کو رفیدیا اسپتال منتقل کیا۔
