Connect with us

اسرائیل کی تباہی میں اتنا وقت باقی ہے

  • دن
  • گھنٹے
  • منٹ
  • سیکنڈز

Uncategorized

عباس ملیشیا کا شیخ بیتاوی کے گھرپر دھاوا، تین بیٹے گرفتار

palestine_foundation_pakistan_sheikh-hamed-al-beitawi-mp-the-head-of-the-association-of-palestinian-religious-scholars

مغربی کنارے میں فلسطینی صدر محمود عباس کے زیرکمانڈ سرگرم سیکیورٹی فورسز نے حماس کے اہم راہنما اور مجلس قانون ساز کے رکن ممتازعالم دین شیخ احمد البیتاوی کے گھر پرحملہ کیا ہے اور ان کے تین بیٹوں کو گرفتار کر لیا گیا ہے شیخ بیتاوی کے قریبی ذرائع سے مرکز اطلاعات فلسطین کو ملنے والی اطلاعات کے مطابق ہفتہ اور اتوار کی درمیانی شب عباس ملیشیا نے نابلس میں حماس راہنما کے گھر پر حملہ کیا. گھرمیں موجود سامان کی توڑپھوڑ کی اور شیخ بیتاوی کے تین بیٹوں کو تشدد کا نشانہ بنایا گیا . بعد ازاں ان کے تینوں صاحبزادوں نصر بیتاوی، صحافی اور محقق احمد بیتاوی اور اسلام بیتاوی کو گرفتار کر کے لے گئے. خیال رہے کہ تینوں بھائی ماضی میں بھی عباس ملیشیا کی جیلوں میں قید کاٹ چکےہیں. دوسری جانب عینی شاہدین کا کہنا ہے کہ عباس ملیشیا نے انتہائی وحشیانہ انداز میں شیخ بیتاوی کے گھر پر حملہ کیا. عباس ملیشیا کے اہلکاروں کی ایک بڑی تعداد نے ان کے مکان کو گھیرے میں لے لیا اور کئی اہلکار اسلحہ کے ساتھ گھر کے اندر داخل ہو گئے. گھرکی مکمل تلاشی لی گئی اور کئی قیمتی اشیا کی توڑپھوڑ اور کئی چیزیں قبضے میں لے لی گئیں. واضح رہے کہ شیخ محمد بیتاوی فلسطینی مجلس قانون ساز کے رکن ہیں. وہ کئی ماہ تک اسرائیلی جیلوں میں قید کاٹ کر حال ہی میں رہا ہوئے ہیں. فلسطینی قانون اور عالمی قوانین میں قومی منتخب نمائندوں کو خصوصی تحفظ حاصل ہوتا ہے. کوئی قانون نافذ کرنے والا ادارہ کسی غیرقانونی طریقے سے کسی رکن مجلس قانون ساز کے گھر میں مسلح افراد کو داخل نہیں کر سکتا. لیکن محمود عباس کی امریکی فنڈز سے کام کرنے والی ملیشیا نے یہ سب کر دکھایا.

Click to comment

Leave a Reply

Your email address will not be published. Required fields are marked *

Copyright © 2018 PLF Pakistan. Designed & Maintained By: Creative Hub Pakistan