عباس ملیشیا نے اسرائیلی جیل میں قید فلسطینی اسیر کی اہلیہ کو دفتر طلب کرلیا

مغربی کنارے کے نابلس شہر میں عباس ملیشیا نے اسرائیلی جیلوں میں قید فلسطینی اسیر احمد نبھان صقر کی اہلیہ لیلی سعد و فائز کو سیکورٹی فورسز کے دفتر طلب کرلیا- ذرائع کے مطابق فتح کی اہم شخصیات کی مداخلت کے باوجود فلسطینی اتھارٹی میں خفیہ ادارے کے سربراہ محمد غنام ابو داؤد نے لیلی سعدوکو دفتر میں طلب کیا – اس نے اس بات کا بھی خیال نہیں رکھا کہ وہ ایک ایسے شخص کی اہلیہ ہے جو اسرائیلی عقوبت خانوں میں دس برسوں سے قید وبند کی صعوبتیں برداشت کررہے ہیں – ذرائع کے مطابق عباس ملیشیا کو اس بات کابھی خیال نہیں کہ لیلی سعدواپنے شوہر کی عدم موجودگی میں ان کے بچوں کی پرورش کررہی ہے – وہ ایک ایسے بیٹے کی ماں ہے جو اسرائیلی فوج کے ہاتھوں چارمرتبہ زخمی ہوچکاہے- دودفعہ اسے ہسپتال میں انتہائی نگہداشت وارڈ میں رکھاگیا- واضح رہے کہ لیلی سعدو اپنے شوہر کی عدم موجودگی میں خفیہ ادارے کے دفتر جانے کو مستردکرتی ہے –