عالمی صہیونزم کے تسلط اور منصوبوں کو ناکام بنانے کیلئے عالمی مزاحمت کی تشکیل

کراچی(فلسطین نیوز۔مرکز اطلاعات ) فلسطین فاؤنڈیشن کے زیراہتمام عالمی صہیونزم کے تسلط اور منصوبوں کو ناکام بنانے کے لئے عالمی مزاحمت کی تشکیل کیلئے ایک بین الاقوامی آن لائن ویڈیو کانفرنس کا انعقاد کیا جارہا ہے۔

دنیاکے مختلف ممالک سے سیاستدان اور حکومتی اراکین اس ویڈیو کانفرنس میں شرکت کریں گے جہاں وہ مسئلہ فلسطین، کشمیر ،لبنان، شام ،عراق اور مسلم امہ کے دیگر حل طلب مسائل پر اپنے تجزیے اور تجاوزیز پیش کریں گے۔

ہفتہ15 اگست 2020 کو پاکستان کے معیاری وقت 8 بجے شام کو آغاز ہونے والی بین القوامی آئن لائن ویڈیو کانفرنس کی میزبانی فلسطین فاؤنڈیشن پاکستان کے سیکریٹری جنرل ـصابر ابو مریمــ کریں گے جبکہ شرکاءمیں پاکستان سے سینیٹر مشاہد حسین سید ، روس سے سابق رکن پارلیمنٹ سیرغی بابورین ،ایران سے اسپیکرپارلیمنٹ امیر حسین عبد اللہیانِ، جنوبی افریقہ سے رکن پارلیمنٹ نکوسی مینڈیلا، مقبوضہ فلسطین کے شہر غزہ سے رکن پارلیمنٹ ھدی نعیم، ترکی سے رکن پارلیمنٹ حسن توران، ملائیشاسے رکن پارلیمنٹ سید ابراہیم، رعراق سے رکن پارلیمنٹ حامد موسوی ، لبنان سے رکن پالیمنٹ ابراھیم موسوی ، افغانستان سے رکن پارلیمنٹ مولوی عبد اللہ قرلق، شام سے رکن پارلیمنٹ ڈاکٹر نضال عمار، یمن سے رکن پالیمنٹ یحی بدرالدین الحوثی اور بحرین سےرکن پارلیمنٹ ڈاکٹر جلال فیروزشرکت کریں گے ۔

ویبنارکو فلسطین فاؤنڈیشن پاکستان (پی ایل ایف) www.facebook.com/palestinefoundationpak کےآفیشل فیس بک پیج پر مذکورہ وقت کے مطابق براہ راست دیکھی جاسکتی ہے ۔