صہیونی فوج کے غزہ پر تازہ حملوں میں متعدد افراد زخمی

قابض صہیونی فوج کی جانب سے غزہ کی پٹی میں جارحیت میں اضافہ کر دیا گیا ہے. اطلاعات کے مطابق پیر اور منگل کی درمیانی شب قابض فوج نےغزہ کے شمال اور جنوب میں متعدد فضائی حملے کیے گئے ہیں. ابتدائی اطلاعات کے مطابق قابض فوج کے حملوں میں کئی افراد زخمی ہوئے ہیں. مرکز اطلاعات فلسطین کے ذرائع کے مطابق قابض فوج نے رات گئے غزہ میں خان یونس شہر میں قادسیہ کے مقام پر القسام بریگیڈ کے ایک ٹھکانے پر ایک میزائل حملہ کیا گیا، جس میں متعدد افراد زخمی ہوئے ہیں جنہیں طبی امداد کے لیے خان یونس کے اسپتال منتقل کیا گیا ہے. دوسری جانب خان یونس میڈیکل و ایمرجنسی سروسز کے عہدیدار نے بتایا ہے کہ رات گئے قادسیہ کے مقام پر اسرائیل کے میزائل حملے میں دو افراد زخمی ہوئے تھے جنہیں اسپتال میں طبی امداد کے لیے داخل کیا گیا ہے. ادھر غزہ کے شمال میں اسرائیلی طیاروں نے الشیماء اور ابوصفیہ کے مقامات پر میزائل داغے ہیں، ان دونوں مقامات پر فلسطینی مجاہدین کے ٹھکانوں کو نشانہ بنایا گیا ہے. حملوں میں متعد افراد زخمی ہوئے ہیں تاہم ان کی حتمی تعداد کا اندازہ نہیں لگایا جا سکا. خیال رہے کہ قابض فوج نے پیر اور منگل کی درمیانی شب میں مجاھدین کے ٹھکانوں کو ایک ایسے وقت میں نشانہ بنایا ہے جب ہفتے کے رات اسرائیلی فوج نے ریاست دہشت گردی میں غزہ میں پانچ فلسطینیوں کو شہید کر دیا تھا.