صہیونی حکومت نے مراکشی دروازے کے ساتھ پُل کی تعمیر کی منظوری دیدی

بیت المقدس میں صہیونی بلدیہ نے حرم قُدسی سے مسجد اقصیٰ کے مراکشی دروازے تک پُل کی تعمیر کے منصوبے کی حتمی منظوری دے دی ہے. اس منصوبے کا مقصد یہودی آبادکاروں کو حرم قدسی سے براہ راست مسجد اقصیٰ تک رسائی فراہم کرنا ہے. اسرائیلی ریڈیونے اپنی رپورٹ میں بتایا ہے کہ حرم قدسی سے مراکشی دروازے تک اس پُل کی تعمیر کا منصوبہ کئی سال پہلے پیش کیا گیا تھا. صہیونی بلدیہ نے ایک سال قبل ایک عارضی پل تعمیر کیا تھا تاہم چھ ماہ قبل حرم قدسی میں مِٹی کا ایک تودہ گرنے سے وہ پل عارضی طور پر بیٹھ گیا تھا. اس کے بعد اب فضاء میں کئی میٹر بلند اس پل کی تعمیر کا کام جلد شروع کر دیا جائے گا. ریڈیو رپورٹ کے مطابق صہیونی بلدیہ نے حرم قدسی سے مراکشی دروازے کو ملانے والے پل کی تعمیر کا منصوبہ تین سال قبل مرکزی حکومت سے منظور کرایا تھا. جس کے بعد محکہ داخلہ کے زیرانتظام پلاننگ اینڈ ڈویلپمنٹ کمیٹی نے اس کی باضابطہ منظوری دیتے ہوئے اس کے لیے فنڈزبھی جاری کر دیے تھے. تاہم بعض وجوہات کی بنا پر یہاں پر پل کی تعمیرنہیں ہو سکی تھی. ادھر ایک دوسرے ذرائع سے معلوم ہوا ہے کہ بیت المقدس کی صہیونی بلدیہ نے مسجد اقصٰی کے گردوپیش میں متعدد مقامات پر کئی تاریخی عمارتوں کی تعمیر و مرمت کی آڑ میں یہودیت کے فروغ کی سرگرمیوں میں اضافہ کر دیا ہے. ذرائع کے مطابق تعمیر و مرمت کی آڑ میں کئی پرانی دیواریں گرائی جا رہی ہیں جبکہ بعض عرب شناخت رکھنے والے مقامات کےنام عبرانی میں رکھے جا رہے ہیں اور ان کی عربی شناخت بھی مٹائی جا رہی ہے.