Connect with us

اسرائیل کی تباہی میں اتنا وقت باقی ہے

  • دن
  • گھنٹے
  • منٹ
  • سیکنڈز

Uncategorized

سلوان جھڑپوں میں 03 فلسطینی زخمی ، نابلس میں یہودیوں کا گاؤں پر حملہ

palestine_foundation_pakistan_jewish-settlers-attack2

اسرائیلی فوج نے فلسطینیوں کے خلاف جرائم کا سلسلہ جاری رکھتے ہوئے القدس میں فلسطینیوں سے جھڑپوں میں تین شہریوں کو زخمی کر دیا جبکہ انتہاء پسند یہودیوں نے ضلع نابلس کے گاؤں پر دھاوا بول کر فلسطینیوں کی دو کاروں کو آگ لگا دی ہے۔ مقامی ذرائع کے مطابق القدس کی علاقے سلوان میں اسرائیل فوجیوں نے شہریوں کو اشتعال دلایا جس پر نوجوانوں اور اسرائیلی فوج میں شدید جھڑپیں شروع ہو گئیں۔ رات گئے ان شدید جھڑپوں میں صہیونی فوج نے فلسطینیوں پر اشک آور گیس اور ربڑ کی گولیوں کا بے دریغ استعمال کیا اس موقع پر فائرنگ بھی کی گئی۔ دوسری جانب بدھ کی علی الصبح مغربی کنارے کے جنوبی ضلع نابلس میں غاصب انتہاء پسند یہودیوں نے نابلس کے گاؤں بورین پر حملہ کر دیا اور وہاں فلسطینیوں کی دو کاروں کو آگ لگا دی ہے۔ یہودی بستی کے غاصبوں نے علاقے پر دھاوا بولا اور فلسطینیوں کے گھروں پر دستی پٹرول بم پھینکنے شروع کر دیے اور خالد ولید نجار اور عبد السلام عبد الحمید نامی شہریوں کی دو کاریں بھی نذر آتش کر دیں۔ خیال رہے کہ حملہ آوروں کا تعلق یہودی بستی یتسھار سے تھا جسے صہیونی انتظامیہ نے 1983 میں ضلع کی جنوبی اراضی پر قبضہ کر کے بسایا تھا۔ اسی طرح ضلع کی شمالی اراضی پر یہودی بستی ’’براخا‘‘ تعمیر کی گئی تھی جس کے لیے بورین نامی گاؤں کی 300 ایکڑ اراضی پر قبضہ کیا گیا تھا۔

Click to comment

Leave a Reply

Your email address will not be published. Required fields are marked *

Copyright © 2018 PLF Pakistan. Designed & Maintained By: Creative Hub Pakistan