دیر آید درست آید

فلسطین کی آئینی حکومت کے وزیر برائے امور اسیران وصفی قبہا نے فتح کے رہنما ڈاکٹر نبیل شعت کے دورہ غزہ کو ’’دیر آید درست آید‘‘کا مصداق قرار دیا ہے- انہوں نے ایک بیان میں کہا کہ ڈاکٹر نبیل شعت کا دورہ غزہ مثبت ہے- اس دورے سے حماس اور فتح کے درمیان برف پگھلے گی- ڈاکٹر نبیل شعت نے کہا کہ فتح کے رہنماؤں کو محصور اور اسرائیلی جارحیت سے متاثر فلسطینیوں سے اظہار یکجہتی کے لیے غزہ کے دورے کرنے چاہیے تھے- ڈاکٹر نبیل شعت نے اگرچہ بہت دیر کی ہے تاہم ان کا اقدام فلسطینی مفاہمت کے لیے مثبت ثابت ہوگا- مغربی کنارے میں فتح کی نچلی سطح کی قیادت نے غزہ کے دورے کیے اور اسرائیل کو پیغام دیا کہ فلسطینی قوم ایک ہے- تاہم فتح کی اعلی قیادت پر قابض لوگوں کی ضد کی وجہ سے نبیل شعت کے مؤقف کو حمایت حاصل نہیں ہوگی-