مقبوضہ مغربی کنارہ – (مرکزاطلاعات فلسطین فاؤنڈیشن) فلسطینی انفارمیشن سینٹر ’معطی‘ نے مغربی کنارے میں قابض اسرائیلی افواج اور یہودی آباد کاروں کی جانب سے انسانی حقوق کی خلاف ورزیوں میں تیزی ریکارڈ کی ہے۔ رپورٹ کے مطابق 19 جون سنہ 2026ء سے 25 جون سنہ 2026ء کے دوران مجموعی طور پر 1298 خلاف ورزیاں دستاویزی شکل میں سامنے آئی ہیں۔
مرکز نے وضاحت کی ہے کہ ان خلاف ورزیوں کے نتیجے میں 4 فلسطینی شہید اور 33 زخمی ہوئے، جبکہ اس عرصے کے دوران 151 افراد کو گرفتار یا حراست میں لیا گیا۔ قابض فوج نے مغربی کنارے کے مختلف علاقوں میں 276 بار دراندازی کی۔
رپورٹ میں بتایا گیا ہے کہ قابض اسرائیل نے 51 گھروں، تنصیبات اور املاک کو مسمار یا تباہ کیا، 230 بار گھروں پر چھاپے مارے، فوجی چوکیوں پر 327 بار فلسطینیوں کی نقل و حرکت محدود کی، 37 بار راستے اور علاقے بند کیے، جبکہ 48 بار فائرنگ کے واقعات پیش آئے۔
فلسطینی مرکز ’معطی‘ نے یہودی آباد کاروں کے 110 حملوں اور توسیعی سرگرمیوں کو بھی دستاویزی شکل دی ہے۔ اس کے علاوہ املاک ضبط کرنے کے 21 واقعات، مقدس مقامات کی بے حرمتی کے 9 واقعات اور ایک بار مظاہرین کے خلاف طاقت کا بے جا استعمال ریکارڈ کیا گیا ہے۔ یہ تمام کارروائیاں مغربی کنارے میں فلسطینیوں، ان کی زمینوں اور مقدس مقامات کو نشانہ بنانے والی مسلسل جارحیت کا حصہ ہیں۔
