ایتمار کارروائی کے پیچھے ذاتی عناد رد نہیں کیا جا سکتا

اسلامی تحریک مزاحمت ۔ حماس کے سیاسی ونگ کے رکن عزت رشق نے یہودی بستی ’’ایتمار‘‘ میں گزشتہ روز پانچ یہودیوں کے قتل کے واقعے میں حماس کے ملوث ہونے کی نفی کر دی ہے۔ انہوں نے کہا کہ حماس اور دیگر مزاحمتی جماعتیں بچوں کو ہدف بنانے کی سیاست پر عمل پیرا نہیں ہیں۔ . عزت رشق نے مزید کہا کہ یہ بات خارج از امکان نہیں کہ کسی نے ذاتی عناد اور انفرادی حیثیت میں یہ کیا ہو جیسا کے یہودی مجرمانہ معاشرے میں اس قسم کی مثالیں بکثرت پائی جاتی ہیں۔