اسماعیل ھنیہ کا مصری وزیراعظم کو فون،عوامی اعتماد حاصل کرنے پر مبارکباد

فلسطینی شہر غزہ میں قائم فلسطین کی آئینی حکومت کے سربراہ اسماعیل ھنیہ نے نو منتخب مصری وزیراعظم عصام اشرف کووزارت عظمیٰ کا منصب سنھبالنے اور عوام کی بھرپوق تائید حاصل کرنے پر تہہ دل سے مبارک باد دی ہے. ھنیہ نے امید ظاہر کی کہ مصرکی نئی حکومت سابق صدر حسنی مبارک کی پالیسیوں پرعمل درآمد کے بجائے آزادانہ پالیسیاں مرتب کرےگی. مرکز اطلاعات فلسطین کے مطابق اسماعیل ھنیہ نے اپنے مصری ہم منصب سے ٹیلیفون پر بات چیت کی. اس موقع پر اسماعیل ھنیہ کہا کہ وہ فلسطینی عوام اور حکومت کی جانب سے انہیں مبارک باد پیش کرتے ہیں. اس کےساتھ وہ یہ توقع رکھتے ہیں کہ قاہرہ کی نئی حکومت مصرکی عظمت رفتہ کی بحالی میں اہم کردار ادا کرے گی. وزیراعظم نے کہا کہ فلسطینی اورمصری اقوام کے درمیان گہرا دوستانہ اور برادرانہ تعلق ہے. ہم اس تعلق کو نہ صرف قائم رکھنا چاہتے ہیں بلکہ اس کو مزید مستحکم اور مضبوط بنانا چاہتے ہیں. ہم سمجھتے ہیں کہ مصر میں امن و استحکام فلسطین اور خطے کے دیگرعلاقوں کے لیے استحکام کی ضمانت دے گا. دوسری جانب مصری وزیراعظم نے اسماعیل ھنیہ کے ٹیلیفون پر ان کا شکریہ ادا کیا اور یقین دلایا کہ وہ فلسطینیوں کی امیدوں اور توقعات پر پورا اتریں گے.