اسرائیل نے ترک سیرامک ٹائیلوں کی مسجد اقصی ترسیل پر پابندی لگا دی

مقبوضہ بیت المقدس اوقاف سرکل نے مسجد اقصی کی مرمت کے لئے ضروری ساز و سامان کی ترسیل کی اجازت نہ دینے پر اسرائیلی حکومت کی مذمت کرتے ہوئے کہا کہ ایسے احکامات کے ذریعے اسرائیل مسجد اقصی پر اپنا مکمل کنڑول ثابت کرنا چاہتا ہے۔

ڈائریکٹر جنرل اوقاف عزام الخطیب کا یہ بیان اسرائیلی حکومت کی طرف سے مسجد اقصی میں تعمیر کے لئے ضروری ساز و سامان کی ترسیل کی اجازت نہ دینے کے بعد سامنے آیا۔ یاد رہے کہ ترکی نے مسجد اقصی میں مرمت کے لئے سرامیک ٹائیلوں کی168 پیٹیاں مقبوضہ فلسطین بھجوائی ہیں۔

ترک تعاون اور ترقیاتی فاونڈیشن کے ڈپٹی کوارڈنیٹر رامی صب لبن نے بتایا کہ اسرائیلی فوج کا کہنا ہے کہ مسجد میں ٹائیلوں کی پیٹیاں لانے کی اجازت نہیں دی جا سکتی۔ انہوں نے کہا کہ ترکی کے قونصل خانے کو ان ٹائیلوں کو مسجد کے اندر منتقلی کے لئے مجازاسرائیلی حکام سے اجازت لینا ہو گی۔

رامی لبن نے بتایا کہ سرامیک ٹائیلوں کی پیٹیاں القدس بھجوانے سے پہلے ترک حکومت نے اسرائیلی وزارت خارجہ سے پوری طرح کوارڈینشن کی اور اب عین موقع پرصہیونی فوج اس سامان کے مسجد احاطے میں داخلے کا خصوصی اجازت نامہ حاصل کرنے کو کہہ رہی ہے۔

رامی صب لبن نے بتایا کہ ترکی سے بھجوائی گئی 168 پیٹیوں میں سیرامک کی 4200 رنگین ٹائیلیں ہیں۔ انہوں نے بتایا کہ ترکی سے بھجوائی گئی سیرامک ٹائیلوں کا معیار باکل ویسا ہی ہے جیسا کہ ایک سو بیس برس پہلے پہاڑی کے گنبد کی مرمت کے استعمال ہونے والی سیرامک کا تھا۔ ہاتھ سے بنائی کئی گئی ایک سیرامک ٹائیل کی قمیت 80 یورو ہے۔

ترک اہلکار نے بتایا کہ مسجد اقصی میں ضروری تعمیر و مرمت کا کام ترک انجینئر کریں گے۔ دو ماہ تک جاری رہنے والے اس کام کو مسجد اقصی تعمیر و مرمت کمیٹی اپنی نگرانی میں سرانجام دے گی۔