اسرائیل سے قیدیوں کے تبادلے کا معاہدہ طے پا سکتا ہے: حماس

اسلامی تحریک مزاحمت (حماس) نے واضح کیا ہے کہ جرمنی کی ثالثی میں اسرائیل سے قیدیوں کے تبادلے کے حوالے سے معاہدہ کی خبریں محض اسرائیلی معلومات ہیں- جس کا مقصد فلسطینی اسیران کے خاندان کے جذبات اور مذاکراتی عمل پر بالواسطہ اثر انداز ہوناہے- حماس کی طرف سے جاری بیان میں کہاگیاہے کہ اس کی طرف قیدیوں کے تبادلے کے لیے معاہدے کی کوششیں جاری ہیں – بیان کے مطابق حماس اسرائیلی کی طرف سے ڈالی جانے والی رکاوٹوں کو دورکرنے کی کوشش کر رہا ہے-عنقریب معاہدہ طے پا جائے گا البتہ مذاکرات کے سوفی صد نتائج کے متعلق بات کرنا قبل از وقت ہے –