فلسطین فاؤنڈیشن پاکستان کے مرکزی سرپرست رہنماؤں سابق رکن قومی اسمبلی و رہنما جماعت اسلامی مظفر احمد ہاشمی،جمعیت علماء پاکستان کے مرکزی رہنما علامہ قاضی احمد نورانی صدیقی،پاکستان عوامی مسلم لیگ کے رہنما محفوظ یار خان ایڈووکیٹ اور فلسطین فاؤنڈیشن پاکستان کے مرکزی ترجمان صابر کربلائی نے پوری قوم سے اپیل کی ہے کہ
وہ غاصب اسرائیلی جیلوں میں قید بھوک ہڑتالی فلسطینی قیدیوں کے ساتھ اظہار یکجہتی اور ہمدردی کریں اور جمعہ 22فرور ی کو ملک بھر میں ’’یوم یکجہتی اسیران فلسطین ‘‘ منایا جائے۔
فلسطین فاؤنڈیشن پاکستان کے مرکزی رہنماؤں نے علماء،خطباء سے اپیل کی ہے کہ وہ مساجد میں جمع نماز کے اجتماعات میں فلسطینی بھوک ہڑتالی قیدیوں کے لئے خصوصی دعائیں کریں ۔انہوں نے پاکستان کی تمام سیاسی و مذہبی جماعتوں کے رہنماؤں اور سول سوسائٹی سے اپیل کی ہے کہ وہ فلسطینی اسیروں کے حقوق کے لئے آواز بلند کریں۔
واضح رہے کہ غاصب اسرائیلی جیلوں میں قید فلسطینی اسیروں نے اپنی آزادی کے لئے بھوک ہڑتال کا سلسلہ جاری رکھا ہوا جبکہ ایمن الشروانہ اور سمیر العساوی ان دو قیدیوں کی بھوک ہڑتال کو 240روز سے زائد کا عرصہ گزر چکا ہے۔
والسلام۔۔علی احمر ۔۔انچارج میڈیا سیل۔۔۔0334-3206768//0321-2487492
