Connect with us

اسرائیل کی تباہی میں اتنا وقت باقی ہے

  • دن
  • گھنٹے
  • منٹ
  • سیکنڈز

Uncategorized

پولینڈ میں موساد کے ایجنٹ کی جرمنی حوالگی کے لیے قانونی کارروائی شروع

palestine_foundation_pakistan_european-suspects-involved-in-the-killing-of-hamas-leader-mahmoud-al-mabhouh-uri-brodsky-german-passport2

پولینڈ کے پراسیکیوٹر جنرل کے دفتر نے دارالحکومت وارسو میں قائم ایک مقامی عدالت کے ذریعے موساد کے گرفتار ایجنٹ کو جرمنی کے حوالے کرنے کی تیاریاں شروع کردی ہیں۔ موساد کے ایجنٹ یوری بروسکی کو چند روز قبل جرمنی کے کہنے پر پولینڈ سے گرفتار کیا گیا تھا۔ یوری بروسکی پرالزام ہے کہ اس نے رواں سال جنوری میں دوبئی میں حماس کے راہنما محمود مبحوح کے قتل کے لیے جرمنی کے جعلی پاسپورٹ پر متحدہ عرب امارات کا سفر کیا تھا۔
جمعرات کے روز پولینڈ پراسیکیوٹر جنرل کے ترجمان مونیکا لوانڈوسکا نے اپنے ایک بیان میں کہا کہ انہوں نے مقامی عدالت میں موساد کے ایجنٹ کو جرمنی کے حوالے کرنے سے متعلق درخواست دائر کی ہے جبکہ دوسری جانب عدالتی ترجمان فوجکیک نے کہا کہ وہ آئندہ دس روز کے اندر پراسیکیوش آفس کی درخواست کا جائزہ لیں گے۔
واضح رہے کہ بروسکی کو چند روز قبل اسرائیل سے پولینڈ آمد پر جرمنی کی درخواست پر گرفتار کیا گیا تھا۔ جرمنی کا کہنا ہے کہ بروسکی نے جرمن پاسپورٹ پر حماس کے ملٹری ونگ القسام بریگیڈ کے سابق کمانڈر محمود مبحوح کو قتل کیا تھا، جرمن حکام کے مطابق جن تین افراد نے مبحوح کے قتل کے لیے جرمنی کے جعلی پاسپورٹس استعمال کیے تھے ان میں ایک بروسکی بھی تھا۔
ذرائع کے مطابق پولینڈ کے اٹارنی جنرل کا کہنا ہے کہ عدالت کی جانب سے بروسکی کے مقدمے کو نمٹانے میں کم ازکم دس دن جبکہ زیادہ سے زیادہ ساٹھ سے نوے دن لگ سکتے ہیں۔ عدالت کا فیصلہ آتے ہی یوری بروسکی کی جرمنی حوالگی کے فیصلے پرعمل درآمد کیا جائے گا۔

Click to comment

Leave a Reply

Your email address will not be published. Required fields are marked *

Copyright © 2018 PLF Pakistan. Designed & Maintained By: Creative Hub Pakistan