Connect with us

اسرائیل کی تباہی میں اتنا وقت باقی ہے

  • دن
  • گھنٹے
  • منٹ
  • سیکنڈز

Uncategorized

مقبوضہ فلسطین کے حیفا شہر میں دامون جیل کے قریب آتش زدگی، 40 افراد ہلاک

palestine_foundation_pakistan_israeli-forest-fire

مقبوضہ فلسطین کے شہرحیفا میں آج سہ پراچانک بھڑک اٹھنے والی آگ کے باعث کم ازکم 40 افراد ہلاک اور دسیوں زخمی ہو گئے ہیں.اسرائیلی ریڈیو کے مطابق آگ حیفا میں کرمل پہاڑوں کےآس پار جنگلوں میں مقامی وقت کے مطابق دن تین بجے لگی، جس کے دیکھتے ہی دیکھتے دو بڑے قصبوں “عصفیا” اور “ڈالیا الکرمل” کو اپنی لپیٹ میں لے لیا. مرکز اطلاعات فلسطین کے مطابق حیفا میں اچانک لگنے والی آگ کے شعلے اسرائیل کی ایک بدنام زمانہ جیل “دامون” تک بھی پہنچے، جس سے جیل کا ایک حصہ بھی نذرآتش ہوا ہے. جیل درجنوں فلسطینی خواتین اور دیگر شہری قید تھے، اس کے علاوہ مختلف جرائم کے تحت گرفتار کیے گئےصہیونیوں کو بھی اسی جیل میں رکھا گیا ہے. جیل میں فلسطینی اسیرات کی تعداد 15 بتائی جاتی ہے. ذرائع کے مطابق صہیونی جیل حکام نے تمام قیدیوں کو بحفاظت دوسرے محفوظ مقامات پر منتقل کر دیا ہے . تاہم آگ پر تاحال قابو نہیں پایا جا سکا. آگ پر قابو پانے کے لیے اسرائیلی فوج کو طلب کیا گیا ہے جبکہ 11 امدادی اداروں کی ٹیمیں اور فائربریگیڈ کا عملہ بھی مصروف ہے . ادھر دوسری جانب انسانی حقوق کی عالمی تنظیموں نے صہیونی حکومت سے مطالبہ کیا ہے کہ وہ دامون جیل میں موجود تمام قیدیوں کو فوری طور پر وہاں سے نکال کر محفوظ مقامات پرمنتقل کرے.انسانی حقوق کی تنظیموں نے خدشہ ظاہر کیا ہے کہ اسرائیلی حکام فلسطینی قیدیوں کے حوالےسے لاپرواہی کا مظاہرہ کر سکتے ہیں اور آگ نے پوری دامون جیل کو اپنی لپیٹ میں لے لیا تو اس سے قیدیوں کی جانوں کو خطرات لاحق ہو سکتے ہیں. آخری اطلاعات آنے تک آگ پر قابو پانے کے کوششیں جاری تھیں تاہم صنوبر کے درختوں میں لگی آگ پر قابو نہیں پایا جا سکا تھا.

Click to comment

Leave a Reply

Your email address will not be published. Required fields are marked *

Copyright © 2018 PLF Pakistan. Designed & Maintained By: Creative Hub Pakistan