مقبوضہ بیت المقدس میں اسرائیلی پولیس کا صحافیوں پر تشدد، فلسطینی پریس کلب کی مذمت

فلسطینی پریس کلب نے اسرائیلی جرائم کو بے نقاب کرنے کے لیے اسلامی اور عالمی ذرائع ابلاغ کے درمیان مشترکہ تعاون کی ضرورت پر زور دیا ہے- فلسطینی پریس کلب کی طرف سے جاری بیان میں مقبوضہ بیت المقدس میں صحا فیوں پر اسرائیلی پولیس کے تشدد کی مذمت کی – بیان کے مطابق اسرائیلی پولیس صحافیوں کو ان کی ذمہ داریاں ادا نہیں کرنے دیتی – حقائق سامنے لانے پر صحافیوں کو تشدد کا نشانہ بنایا جاتاہے- واضح رہے کہ گزشتہ روز اسرائیلی پولیس نے مقبوضہ بیت المقدس میں صحافیوں پر تشدد کیا ، جس سے تین صحافی زخمی ہو گئے- زخمی ہونے والے صحافیوں میں فرانسیسی خبر رساں ایجنسی کے کیمرہ مین احمد غزال ،خبررساں ایجنسی اے بی کے کیمرہ مین برنارڈ آرمانجے اور خبررساں ایجنسی جینی کے کیمرہ مین ڈیوڈ سلورمین شامل ہیں- فلسطینی پریس کلب کے بیان میں مقبوضہ بیت المقدس کے واقعات کی تیز ترین اور صحیح کوریج پرسیٹلائٹ چینل القدس کی تعریف کی گئی – القدس ٹی وی نے مسجد اقصی کی بے حرمتی کے واقعات خاموش دنیا تک پہنچائے –