مغربی کنارے میں حماس کے کارکنوں کو اغوا کرنے کا سلسلہ جاری

مغربی کنارے میں عباس ملیشیا کی جانب سے اسلامی تحریک مزاحمت (حماس) کے کارکنوں کو اغوا کرنے کا سلسلہ جاری ہے- گزشتہ دوروز میں فلسطینی صدر محمود عباس کو براہ راست جوابدہ سیکورٹی فورسز نے مغربی کنارے کے مختلف حصوں سے حماس کے 7 کارکنوں کو اغوا کیا- اغوا کئے گئے افرا دمیں حماس کے اہم رہنما فرج رمانہ بھی شامل ہیں- انہیں رام اللہ میں ان کے گھر سے اغوا کیا گیا- واضح رہے کہ فرج رمانہ اسرائیلی عقوبت خانوں میں 9 سال تک قید وبند کی صعوبتیں برداشت کرتے رہے ہیں- عباس ملیشیا نے انہیں دوسری مرتبہ اغوا کیا- پہلی مرتبہ انہیں اس وقت اغوا کیا گیا تھا جب وہ اسرائیلی جیلوں سے رہائی پا کر واپس پہنچے تھے- انہیں اسرائیلی جیل سے رہائی کے دو گھنٹے بعد عباس ملیشیا نے اغواکرلیا تھا- اسرائیلی فوج اور عباس ملیشیا کے درمیان حماس کے کارکنوں کو باری باری گرفتار کرنے کا سلسلہ بھی جاری ہے- اسرائیلی فوج نے نابلس کے مشرق میں واقع عقوبا قصبے کے تین فلسطینیوں کو اغوا کرلیا – تینوں ایسے فلسطینی شہری ہیں جنہیں حال ہی میں عباس ملیشیا نے رہا کیا تھا-