Connect with us

اسرائیل کی تباہی میں اتنا وقت باقی ہے

  • دن
  • گھنٹے
  • منٹ
  • سیکنڈز

Uncategorized

مصر میں انتخابات شفاف ہوئے تو الاخوان کامیاب ہو جائے گی: اسرائیلی وزیر

palestine_foundation_pakistan_moshe-yaalon-israeli-politician

اسرائیلی کے اسٹریٹجک امور کے وزیر موشی یعلون کا کہنا ہے کہ مصر میں شفاف انتخابات ہوئے تو اخوان المسلمون کامیاب ہوجائے گی۔ اسرائیلی ریڈیو کو دیے گئے بیان میں یعلون نے فلسطین میں حماس کی کامیابی کا سبب بننے والی جمہوریت کو ناکام نظام قرار دیا۔ انہوں نے کہا کہ مصر کو درپیش چیلنجز میں سے ایک بڑا سیاسی چیلنچ انتقال اقتدار کا ہے جس سے نمٹنے کے لیے نئے فوجی حکمران کو زیادہ توجہ فوری انتخابات کی جانب مبذول کرنا ہوگی۔ انہوں نے یاد دہانی کروائی کے جمہوریت اور انتخابات ناکام ہو چکے ہیں جس کی مثال فلسطین میں حماس اور لبنان میں حزب اللہ کی سیاسی طاقت میں اضافہ ہے۔ یعلون نے لیبیا میں ہونے والی پیش رفت کو تاریخی قرار دیتے ہوئے کہا کہ لیبیا میں جوکچھ ہوا وہ لوگوں میں عزت اور آزادی کے ساتھ زندگی گزارنے کی طبعی خواہش کا نتیجہ ہے۔ سعودی حالات کے بارے میں ان کا کہنا تھا کہ وہاں موجود شاہی داخلی نظام کو بھی خطرات لاحق ہیں، انہوں نے کہا کہ سعودیہ عرب میں تیل کے کنووں کے سبب ہمیشہ امریکا کے اس سے مفادات وابستہ رہے ہیں۔ ان کا مزید کہنا تھا کہ امریکا اس معاملے میں احتیاط سے کام لے گا۔ انہوں نے پہلے مصر کے سابق صدر حسنی مبارک سے اقتدار چھوڑنے کا مطالبہ کیا تھا وہ معمر قذافی سے علیحدگی کا مطالبہ کرنے سے بھی ہچکچاتے رہے انہوں نے کہا کہ امریکا اب سعودیہ عرب کے بادشاہ کے معاملے میں سب سے زیادہ محتاط رہے گا۔

Click to comment

Leave a Reply

Your email address will not be published. Required fields are marked *

Copyright © 2018 PLF Pakistan. Designed & Maintained By: Creative Hub Pakistan