مسجد اقصی کے خلاف اسرائیلی سازش آخری مرحلے میں پہنچ گئی ہے: سمیرہ حلائقہ

فلسطینی مجلس قانون ساز میں اسلامی تحریک مزاحمت (حماس) کی خاتون رکن سمیرہ حلائقہ نے مسجد اقصی کے خلاف اسرائیلی سازشوں پر مسلمان حکمرانوں کی خاموشی کی مذمت کی ہے- انہوں نے ایک بیان میں کہا کہ مسجداقصی کو شہید کرنے کی صہیونی سازش آخری مرحلے تک پہنچ گئی ہے- جب کہ بیت المقدس کو مسلمانوں سے خالی کرانے کی سازش بھی اپنے آخری مراحل میں ہے – بیت المقدس میں فلسطینی گھروں کو مسمار کیا جا رہا ہے- محلوں کے محلے مکمل طور پر فلسطینیوں سے خالی کردیئے گئے – فلسطینی شہریوں کے شناختی کارڈ ضبط کرلئے گئے – اسرائیلی حکام کو کسی انسانی اور اخلاقی قانون کی پرواہ نہیں –