Connect with us

پی ایل ایف نیوز

فلسطین سے متعلق امریکی منصوبہ ناکامی کا شکار ہو چکا ہے ۔ منیر ملک صدر کراچی بار ایسوسی ایشن

کراچی (فلسطین نیوز۔مرکز اطلاعات) فلسطین اور مشرق وسطیٰ سے متعلق امریکی صدر کا منصوبہ ناکام ہو گا،مسئلہ فلسطین پوری انسانیت کا اہم ترین مسئلہ ہے۔

فلسطین کاز کی حمایت میں وکلاء برادری صف اول میں کھڑی ہو گی، ان خیالات کا اظہار کراچی بار ایسوسی ایشن کے نو نتخب صدر منیر ملک نے فلسطین فاؤنڈیشن پاکستان کے وفد سے ملاقات کے دوران کیا۔

ان کاکہنا تھا کہ فلسطین فاؤنڈیشن پاکستان کے کردار کو سراہتا ہوں،فلسطین، فلسطینیوں کا وطن ہے، اقوام متحدہ کا مسئلہ فلسطین سے متعلق کردار شرمناک رہا ہے۔ان کامزید کہنا تھا کہ وکلاء برادری امریکی نام نہاد امن منصوبہ صدی کی ڈیل کومسترد کرتی ہے اور فلسطینیوں کے ساتھ کھڑی ہے۔

انہوں نے کہا کہ فلسطین کاز کی حمایت کرنا ہم سب کا اولین فرض ہے۔ملاقات کے دوران کراچی بار ایسوسی ایشن کے سیکرٹری جی ایم کورائی نے گفتگو کرتے ہوئے کہا کہ سندھ اولیاء اللہ اور صوفیوں کی سرزمین ہے۔اس موقع پر فلسطین فاؤنڈیشن پاکستان کی سرپرست کمیٹی کے اراکین بشمول محمد حسین محنتی، مولانا باقر زیدی، محفوظ یار خان، میجر (ر) قمر عباس، ازہر علی شاہ ہمدانی،مطلوب اعوان قادری، سید شبر رضا،معروف قانون دان غلام مصطفی سمیت قاضی زاہد اور فلسطین فاؤنڈیشن پاکستان کے سیکرٹری جنرل صابر ابو مریم نے کہا کہ فلسطین کا مسئلہ عدالت و انصاف کا متقاضی ہے، ان کاکہنا تھا کہ وکلاء فلسطین و کشمیر کے لئے جد وجہد میں میدان میں نکلیں اور مظلوموں کے مسائل کو اجاگر کرنے میں اپنا بھرپور کردار ادا کریں، انہوں نے مزید کہا کہ وکلاء برادری کی خدمات ہمیشہ قابل تعریف رہی ہیں اور فلسطین فاؤنڈیشن پاکستان میں مظلوم فلسطینیوں اور کشمیریوں کی مضبوط آواز ہے تاہم اسے مزید مستحکم بنانے کے لئے وکلاء برادری کے کردار کی ضرورت ہے۔

ملاقات میں فلسطین فاؤنڈیشن پاکستان کی ورکنگ کمیٹی کے اراکین میں ملک طاہر ایڈوکیٹ، سارہ علی ایڈوکیٹ،زاہد علی ایڈوکیٹ، کنول زہرا ایڈوکیٹ،ایڈوکیٹ رحیمہ، ایڈوکیٹ روبینہ اور دیگر شریک تھے جبکہ کراچی بار ایسوسی ایشن کے نو منتخب اراکین میں ایڈوکیٹ شانتی دیوی، ایڈوکیٹ امرت شاردا،ایڈوکیٹ حنا کرن،ایڈوکیٹ صائمہ میمن، ایڈوکیٹ علیم النساء،ایڈوکیٹ شفیع احمد، ایڈوکیٹ سیف کھوسو، ایڈوکیٹ انور میمن، ایڈوکیٹ باقر مہدی اور دیگربھی موجود تھے۔

Click to comment

Leave a Reply

Your email address will not be published. Required fields are marked *

Copyright © 2018 PLF Pakistan. Designed & Maintained By: Creative Hub Pakistan