غزہ میں بجلی بحران کے خاتمے کی کوشش شروع

غزہ کی الیکٹرسٹی کمپنی کے ڈائریکٹر سھیل سکیک نے کہا ہے کہ اسماعیل ھنیہ کی سربراہی میں فلسطینی حکومت اور رام اللہ کے حکام کے مابین اپنے مغربی کنارے اور غزہ کے ورکرز کی تنخواہیں 170 شیکل کٹوتی کے ساتھ 1500 شیکل کرنے پر اتفاق ہو گیا ہے۔ اس طرح بچنے والی رقم سے انرجی پیدا کرنے کے لیے ایندھن خریدا جائے گا۔ سکیک نے ’’مرکز اطلاعات فلسطین‘‘ کو خصوصی انٹرویو دیتے ہوئے کہا کہ شروع میں یہ کٹوتی تمام ملازمین کی تنخواہوں میں کی جائے گی، یہاں تک کے کمپنی کو تمام ادائیگیاں مکمل ہو جائیں، انہوں نے کہا کہ کمپنی کی ادائیگیاں پوری ہوتے ہی غزہ میں دوبارہ بجلی آ جائے گی۔