Connect with us

اسرائیل کی تباہی میں اتنا وقت باقی ہے

  • دن
  • گھنٹے
  • منٹ
  • سیکنڈز

Uncategorized

عباس ملیشیا کے ہاتھوں حماس کے مزید 09 حامی اغوا

palestine_foundation_pakistan_abbas-militia-kidnap2

تحریک ’’فتح‘‘ کی ملیشیا نے مغربی کنارے میں حماس کی حمایت کرنے والے فلسطینیوں کے خلاف پکڑ دھکڑ مہم میں مزید 09 افراد کو حراست میں لے لیا ہے۔
جمعہ کے روز الخلیل، نابلس، طولکرم اور جنین کے اضلاع میں کارروائیاں کی گئیں۔ واضح رہے کہ فلسطینی قوم ایک جانب اسرائیلی جارحیت کا شکار ہے تو دوسری جانب فلسطینیوں کے حقوق کی جدوجہد میں بڑی رکاوٹ فلسطینی قوم کے آپس میں اختلافات ہیں۔
غزہ میں حماس اور مغربی کنارے میں فتح کی حکومتیں قائم ہیں۔ فتح حکومت نے سکیورٹی تعاون کے نام پر اسرائیل فوج کی مدد کا سلسلہ جاری رکھتے ہوئے پورے مغربی کنارے میں حماس کے خلاف چھاپہ مار کارروائیوں کا سلسلہ شروع کر رکھا ہے، اطلاعات کے مطابق حماس کے ایک ہزار سے زائد کارکن عباس ملیشیا کے عقوبت خانوں میں قید و بند کی صعوبتیں صرف اس وجہ سے برداشت کر رہے ہیں کیونکہ انہوں نے فلسطینیوں کے مسلمہ حقوق سے دستبرداری سے انکار کر دیا ہے۔
خیال رہے کہ ایک جانب فتح حکومت غزہ کی حکمران جماعت حماس کے ساتھ مفاہمت اور مصالحت کے لیے ہاتھ بڑھانے پر تیار نظر آتی ہے دوسری جانب اس نے اپنے زیر انتظام مغربی کنارے میں حماس کے حامیوں پر ظلم و تشدد کا بازار گرم کر رکھا ہے جس سے مفاہمتی عمل پر پیش رفت سخت خطرے میں پڑ گئی ہے۔

Click to comment

Leave a Reply

Your email address will not be published. Required fields are marked *

Copyright © 2018 PLF Pakistan. Designed & Maintained By: Creative Hub Pakistan