سلام فیاض کا اسرائیل سے کرمل آتش زدگی پر اظہار افسوس

مقبوضہ مغربی کنارے میں فتح کے غیر آئینی وزیراعظم نے قابض اسرائیل سے دوستی کا بھرم رکھتے ہوئے جمعرات کو حیفا شہر میں آتش زدگی اور چالیس کے قریب صہیونیوں کی ہلاکت پر گہرے دکھ اور افسوس کا اظہار کیا ہے. مرکز اطلاعات فلسطین کے مطابق سلام فیاض نے اسرائیلی صدر شمعون پیریز کے نام اپنے ایک پیغام میں کہا ہے کہ انہیں حیفا میں کرمل کے مقام پر ہولناک آتش زدگی اور چالیس کے لگ بھک قیدیوں کی ہلاکت پرافسوس ہے.سلام فیاض کا کہنا تھا کہ فلسطینی اتھارٹی مشکل کی اس گھڑی میں اسرائیل کے ساتھ ہے. خیال رہے کہ جمعرات کے روز مقبوضہ فلسطین کے شہر حیفا میں اچانک بھڑک اٹھنے والی آگ کے باعث کم ازکم 40 یہودی قیدی ہلاک اور دسیوں زخمی ہو گئےتھے .اسرائیلی ریڈیو کے مطابق آگ حیفا میں کرمل پہاڑوں کےآس پار جنگلوں میں مقامی وقت کے مطابق دن تین بجے لگی، جس کے دیکھتے ہی دیکھتے دو بڑے قصبوں “عصفیا” اور “ڈالیا الکرمل” کو اپنے لپیٹ میں لے لیا. مرکز اطلاعات فلسطین کے مطابق حیفا میں اچانک لگنے والی آگ کے شعلے اسرائیل کی ایک بدنام زمانہ جیل “دامون” تک بھی پہنچے، جس سے جیل کا ایک حصہ بھی نذرآتش ہوا ہے. جیل درجنوں فلسطینی خواتین اور دیگر شہری قید تھے، اس کے علاوہ مختلف جرائم کے تحت گرفتاری کیے گئےصہیونیوں کو بھی اسی جیل میں رکھا گیا ہے.جیل میں فلسطینی خواتین اسیرات کی تعداد 15 بتائی جاتی ہے.