Connect with us

اسرائیل کی تباہی میں اتنا وقت باقی ہے

  • دن
  • گھنٹے
  • منٹ
  • سیکنڈز

Uncategorized

بیت المقدس کو یہودیانے کے لیے 24 ملین ڈالرز مختص

palestine_foundation_pakistan_al-aqsa-mosque-jews

اسرائیلی بلدیہ نے القدس کی مشرقی عرب کالونیوں کی ترقی اور بحالی کے لیے 24 ملین ڈالر کی خطیر رقم خرچ کرنے کا اعلان کیا ہے۔ فلسطین میں کام کرنے والی انسانی حقوق کی تنظمیوں کے مطابق منصوبے کا اصل مقصد مسجد اقصی اور دیگر عرب کالونیوں کو یہودی رنگ میں رنگنا ہے۔
ہفت روزہ یروشیلم نے صہیونی بلدیہ کے ذرائع کے حوالے سے بتایا کہ یہودیانے کی کارروائیوں پر منصوبے پر کام شروع ہونے کے بعد مشرقی کالونیوں میں عربوں اور اسرائیلی فوج کے مابین جھڑپوں کے خدشات بڑھ گئے ہیں۔ اخبار کے مطابق ماضی میں بھی ’’کالونیوں کی ترقی‘‘کے منصوبوں کو قلعی کھل چکی ہے کہ وہ درحقیقت ان کالونیوں کو منہدم کرنے کے منصوبے تھے۔
’’القدس میڈیا‘‘ سنٹر کے ڈائریکٹر محمد صادق نے بتایا کہ منظور کیے جانے والے منصوبے میں مسجد اقصی سے ملحق صحن براق کے علاقے میں توسیع اور حرم قدسی کی فصیل میں ایک نیا دروازہ کھولنے کا منصوبہ بھی شامل ہے۔ اس نئے دروازے کا مقصد غاصب یہودیوں اور اسرائیلی فوجیوں کی مسجد اقصی کے صحن میں بآسانی داخلہ کو یقینی بنانا ہے۔
انہوں نے بتایا کہ شہر کی عرب کالونیاں انتہائی مخدوش اور انہدام کے قریب ہیں۔ اسرائیلی حکام کی جانب سے ترقیاتی منصوبہ دراصل ان کالونیوں کو یہودی رنگ میں رنگنے کا منصوبہ ہے۔ اسرائیل یہاں کے اصلی رہائشیوں کی اراضی پر قبضہ کر کے اسے یہودیوں کی خدمت کے لیے استعمال کرنا چاہتا ہے۔ انہوں نے بتایا کہ اسرائیل ان کالونیوں کے مختلف مقامات پر صہیونی نشانات بنا چکا ہے تاکہ موقع ملتے ہی ان علاقوں کو یہودی علاقے قرار دیا جا سکے۔

Click to comment

Leave a Reply

Your email address will not be published. Required fields are marked *

Copyright © 2018 PLF Pakistan. Designed & Maintained By: Creative Hub Pakistan