بریج کیمپ پر اسرائیلی حملے میں تین مزاحمت کار زخمی

غزہ کی پٹی کے وسطی علاقے بریج کیمپ میں اسرائیلی فوج کی جانب سے در اندازی پر فلسطینی مزاحمت کاروں کی جوابی کارروائی، اسرائیلی فوج کے ساتھ برسرپیکار تین مزاحمت کار زخمی۔ مقامی ذرائع نے مرکز اطلاعات فلسطین کو بتایا کہ اسرائیلی فوج کی کئی گاڑیوں نے غزہ کی پٹی کے وسطی علاقے بریج کیمپ پر علی الصبح چڑھائی کر دی، اسرائیلی فوج نے کیمروں کی معاونت سے علاقے کی نشاندہی کی اور حملہ کر دیا، اس دوران اسرائیلی فوج کے ہیلی کاپٹر فضا میں گردش کرتے رہے تاکہ مزاحمت کرنے والے فلسطینیوں کو نشانہ بنایا جا سکے۔ ذرائع نے بتایا کہ جھڑپیں نباھین اور ابوخوضہ کے علاقوں میں شروع ہوئیں، اس دوران حرکت جہاد اسلامی کے القدس بریگیڈ کے تین مجاہدین زخمی ہو گئے۔ فلسطینی مزاحمت کاروں کی جوابی کارروائی نے اسرائیلی فوج کو علاقے سے بھاگنے پر مجبور کر دیا۔