Connect with us

اسرائیل کی تباہی میں اتنا وقت باقی ہے

  • دن
  • گھنٹے
  • منٹ
  • سیکنڈز

پی ایل ایف نیوز

امریکی و برطانوی استعمار فلسطین کی آزادی کا راستہ روکنے کی طاقت نہیں رکھتے۔ صابر ابو مریم کا جماعت اسلامی کے تحت منعقدہ آل پارٹیز کانفرنس سے خطاب

 

کراچی(فلسطین نیوز۔مرکز اطلاعات) فلسطین فاؤنڈیشن پاکستان کے مرکزی سیکرٹری جنرل صابر ابو مریم نے کہا ہے کہامریکی و برطانوی استعمار فلسطین کی آزادی کا راستہ روکنے کی طاقت نہیں رکھتے۔ان خیالات کا اظہار انہوں نے ا مریکی صدر ڈونالڈ ٹرمپ کی جانب سے فلسطین کے دارلحکومت یروشلم کی حیثیت کو بدلنے کے بیان پرمذمتی طور پر جماعت اسلامی کے تحت منعقدہ آل پارٹیز کانفرنس سے خطاب کرتے ہوئے کیا۔

Gaza10Dec16

 

کراچی(فلسطین نیوز۔مرکز اطلاعات) فلسطین فاؤنڈیشن پاکستان کے مرکزی سیکرٹری جنرل صابر ابو مریم نے کہا ہے کہامریکی و برطانوی استعمار فلسطین کی آزادی کا راستہ روکنے کی طاقت نہیں رکھتے۔ان خیالات کا اظہار انہوں نے ا مریکی صدر ڈونالڈ ٹرمپ کی جانب سے فلسطین کے دارلحکومت یروشلم کی حیثیت کو بدلنے کے بیان پرمذمتی طور پر جماعت اسلامی کے تحت منعقدہ آل پارٹیز کانفرنس سے خطاب کرتے ہوئے کیا۔

آل پارٹیز کانفرنس کی صدارت جماعت اسلامی پاکستان کے نائب امیر جناب اسداللہ بھٹو نے کی اور نظامت کے فرائض مسلم پرویز نے انجام دئیے۔آل پارٹیز کانفرنس بعنوان ’’تحفظ القدس‘‘ میں پاکستان پیپلزپارٹی کے سینئر رہنما پروفیسر این ڈی خان، جماعت اسلامی کراچی کے امیر حافظ نعیم الرحمان، سابق رکن قومی اسمبلی مظفر ہاشمی،سابق وفاقی وزیر سید ضیاء عباس، شیعہ علماء کونسل کے رہنما مولانا ناظر عباس، آل پاکستان سنی تحریک کے سربراہ مطلوب اعوان قادری، جمعیت علماء پاکستان کے حلیم خان غوری، نظام مصطفی پارٹی کے رہنما الحاج محمد رفیع، جمعیت علماء اسلام (ف) کے قاری عثمان، مولانا عبد الکریم عابد، قومی عوامی تحریک کے مظہر راہوجا، بشارت مرزا،مسیحی برادری سے سیمؤل، نیشنل لیبر فیڈریشن سے خالد خان، پاکستان مسلم لیگ (ن) سے خواجہ طارق نذیر، جماعۃ الدعوۃ سے یحیٰ محمد، پیما سے ڈاکٹر محمد یوسف، ڈاکٹر ہمایوں ، خلیفی انور احمد اور دیگر موجود تھے۔
فلسطین فاؤنڈیشن پاکستان کے مرکزی سیکرٹری جنرل صابر ابو مریم نے آل پارٹیز کانفرنس سے خطاب کرتے ہوئے جماعت اسلامی کی جانب سے فلسطین و القدس کی حمایت میں ملین مارچ کے اعلان کی بھرپور حمایت کا اعلان کرتے ہوئے اہلیان کراچی سے اپیل کی کہ وہ فلسطین کے لئے ہونے والے ملین مارچ میں بلا کسی تفریق اور سیاسی اختلافات کے شریک ہوں اور مظلوم فلسطینیوں کی حمایت میں بڑھ چڑھ کر حصہ لیں۔
فلسطین فاؤنڈیشن پاکستان کے سیکرٹری جنرل صابر ابو مریم کا کہنا تھا کہ فلسطینی مظلوم عوام پر برطانوی و امریکی استعمار کی ایک سو سالہ ظلم کی بد ترین تاریخ رقم ہو چکی ہے، ان کاکہنا تھا کہ پہلے سنہ1917ء میں اعلان بالفور کے ذریعہ فلسطینیوں کے حقوق پر غاصبانہ شب خون مارا گیا اور فلسطین کوصیہونیوں کے شکنجہ میں دیا گیا جبکہ آج ٹھیک ایک سو سال بعد 2017ء میں اعلان ٹرمپ کی صورت میں فلسطین اور فلسطین کے باسیوں کو پھر اسی طرح کی تباہی و بربادی کے دہانے پر لانے کی کوشش کی جا رہی ہے، انکاکہنا تھا کہ اعلان بالفور ہو یا پھر اعلان ٹرمپ دونوں ہی غیر قانونی اور بین الاقوامی قوانین کے خلاف ہیں ، انہوں نے کہا کہ کسی کو یہ حق حاصل نہیں ہے کہ وہ فلسطین کی قسمت کا فیصلہ کرے بلکہ صرف اور صرف فلسطینیوں کو حق حاصل ہے کہ وہ فلسطین سے متعلق فیصلہ کریں اور فلسطینیوں نے فیصلہ کر لیا ہے کہ وہ مزاحمت اور انتفاضہ کے ذریعے سے غاصب صیہونی ریاست اسرائیل اور اس کے آقاؤں امریکا و برطانیہ کے ناپاک منصوبوں کو خاک میں ملا دیں گے تاہم پوری دنیا میں بسنے والی مسلمان اقوام بالخصوص مسلمان حکمرانوں کو چاہئیے کہ وہ فلسطین کے مظلوموں کے ساتھ کھڑے ہوں نہ کہ غاصب صیہونیوں کو تحفظ فراہم کرنے کے راستے تلاش کریں۔انہوں نے مزید کہا کہ ہر شخص خواہ وہ کسی بھی شعبہ ہائے زندگی سے تعلق رکھتا ہیاسے چاہئے کہ حالیہ صورتحال میں فلسطین کے معاملے پر جس حد تک ممکن ہو اپنا کردار ادا کرے ۔
آل پارٹیز کانفرنس سے خطاب کرتے ہوئے صابر ابو مریم نے حالیہ دنوں بحرینی سرکاری وفد کی جانب سے اسرائیل کا دورہ کئے جانے کو عرب ممالک کے ان بادشاہتوں کی ایک ناکام کوشش قرار دیا ہے کہ جو خود اپنے ہی ممالک میں عوام کے لئے قابل قبول نہیں رہے ہیں، انہوں نے کہاکہ کہ بحرین ہو یا کوئی اور عرب ممالک ہوں کوئی بھی اسرائیل کی نابودی کو نہیں روک سکے گا اور جو اس کی ناکام کوشش کرے گا دراصل وہ خود بھی نابود ہو جائے گا۔
فلسطین فاؤنڈیشن پاکستان کے مرکزی سیکرٹری جنرل صابر ابو مریم نے کہا کہ ٹرمپ کے حالیہ بیان سے نہ صرف یروشلم میں موجود اسلامی مقدسات کو خطرات ہیں بلکہ مسیحی مقدس مقامات بھی صیہونی خطرے سے باہر نہیں ہیں۔انہوں نے کہا کہ دنیا بھر کی مسلمان اقوام کو چاہئیے کہ ٹرمپ اور صیہونیوں کے خطر ناک عزائم کو ناکام بنانے کے لئے اور فلسطین کے مظلوموں کا دفاع کرنے کے لئے میدان میں نکل آئیں اور جس حد تک ممکن ہو فلسطینیوں کی مدد کی جائے اور قبلہ اول بیت المقدس کو غاصب صیہونیوں کے شکنجہ سے آزاد کروانے کے لئے عملی اور اتحاد پر مبنی اقدامات انجام دئیے جائیں۔
فلسطین فاؤنڈیشن پاکستان کے سیکرٹری جنرل صابر ابو مریم نے مورخہ ۷دسمبر کو انڈونیشیا کے دارلحکومت جکارتہ میں منعقد ہونے والی عالمی فلسطین کانفرنس کے اغراض و مقاصد پر بھی روشنی ڈالی اور فلسطین کانفرنس میں تاریخی طور پر اعلان جکارتہ کے بارے میں بھی آل پارٹیز کانفرنس کے شرکاء کو آگاہی فراہم کی جس پر شرکائے کانفرنس نے اعلان جکارتہ کی بھرپور تائید کا اعلان کیا اور اسے دیگر ممالک میں سرکاری طور پر قبول کئے جانے کا مطالبہ بھی کیا۔

Gaza10Dec17

 

Gaza10Dec18

Click to comment

Leave a Reply

Your email address will not be published. Required fields are marked *

Copyright © 2018 PLF Pakistan. Designed & Maintained By: Creative Hub Pakistan