Connect with us

اسرائیل کی تباہی میں اتنا وقت باقی ہے

  • دن
  • گھنٹے
  • منٹ
  • سیکنڈز

Uncategorized

’’العادلی‘‘ سے تفتیش نے مزاحمت مخالف مصری تعصب ظاہر کر دیا: حماس

palestine_foundation_pakistan_alexandria-church-egypt-bombing4

اسلامی تحریک مزاحمت حماس کا کہنا ہے کہ مصری کے سبکدوش ہونے والے وزیر داخلہ حبیب العادلی کے امسال کے آغاز میں اسکندریہ چرچ حملوں میں ملوث ہونے کے انکشافات سے مصر کی فلسطین میں جاری مزاحمت تحریک سے نفرت اور تمام ظالمانہ کارروائیوں میں ملوث ہونے کا انکشاف ہو گیا ہے۔ اسلامی تحریک مزاحمت کے جاری کردہ بیان کہا گیا ہے کہ سال نو کی تقریبات کے سلسلہ میں اسکندریہ کے ’’قدیسین‘‘ گرجہ گھر میں بم دھماکوں کی ذمہ داری حماس پر ڈال دی گئی جس سے معلوم ہو گیا کہ مصر عالمی برادری کو فلسطینی قوم کے خلاف مشتعل کرنا چاہتا تھا اور یہاں جاری اسرائیل کے خلاف جاری مزاحمت کو شدید نقصان پہنچانا چاہتا تھا۔ اس سے یہ بھی ثابت ہو گیا کہ مصر پانچ سال سے اسرائیلی محاصرے میں گھرے 15 لاکھ فلسطینی بھائیوں کو موت میں منہ میں دھکیلنے کے لیے عالمی برادری کو ان کے خلاف کھڑا کرنا چاہتا تھا۔ حماس کے بہ قول اسکندریہ دھماکے کروا کر مصر کے سابق وزیر داخلہ نے نہ صرف خود ایک بھیانک جرم کیا ہے بلکہ اپنے مسلمان بھائیوں کو بدنام کرنے کے منصوبے کی خاطر اپنے ہی ملک کے مسیحوں اور مسلمانوں کے سامنے بھی خود کو رسوا کر لیا ہے۔ حماس نے کہا کہ مصر کی مجرمانہ پالیسیوں اور میڈیا کو گمراہ کرنے کی مثال صرف حبیب العادلی ہی نہیں بلکہ امریکا اور اسرائیل نواز مبارک حکومت کے دیگر بہت سے وزراء اور رفقاء بھی فلسطینیوں کے خلاف اندوہناک کارروائیوں میں ملوث رہے ہیں۔

Click to comment

Leave a Reply

Your email address will not be published. Required fields are marked *

Copyright © 2018 PLF Pakistan. Designed & Maintained By: Creative Hub Pakistan