اسرائیلی فوجی اہلکار فلسطینی رکن پارلیمنٹ کے گھر میں داخل ہوگئے

اسرائیلی فوج کے اہلکار مغربی کنارے کے الخلیل شہر میں فلسطینی مجلس قانون کے رکن حاتم قفیشہ کے گھر میں داخل ہو گئے اور انہوں نے گھر کی تلاشی لی- حاتم قفیشہ نے مرکزاطلاعات فلسطین کو بتایا کہ اسرائیلی فوجی اہلکار آج صبح ان کے گھر میں داخل ہوئے- انہوں نے گھر کی تلاشی لی اور چیزوں کو ادھر ادھر بکھیر دیا – اسرائیلی فوجی کمانڈر نے حاتم قفیشہ کو صہیونی فو جی تحقیقاتی مرکز ’’عتصیون ‘‘ میں حاضر ہونے کا نوٹس بھی جاری کیا – فلسطینی مجلس قانون ساز میں حماس کے پارلیمانی گروپ تبدیلی و اصلاح نے فلسطینی رکن پارلیمنٹ کے گھر میں اسرائیلی فوج کے داخل ہونے کی مذمت کی- فلسطینی پارلیمنٹ کے ڈپٹی اسپیکر ڈاکٹر احمد بحر نے کہا کہ اسرائیلی دہشت گردی فلسطینی رکن پارلیمنٹ کو اس کے کام سے نہیں روک سکتی- فلسطینی ارکان پارلیمنٹ اپنی ذمہ داریاں ادا کر کے رہیں گے