صنعاء (مرکزاطلاعات فلسطین فاؤنڈیشن) بدھ کی شام مغربی یمن کے شہر الحدیدہ کو امریکی فضائی حملوں نے نشانہ بنایا۔
یمن کی انصار اللہ تحریک سے وابستہ ذرائع ابلاغ نے اطلاع دی ہے کہ امریکی جارحیت نے الحدیدہ کے ضلع طحیات کو سلسلہ وار فضائی حملوں کے ذریعے نشانہ بنایا۔
بدھ کی صبح امریکی طیاروں نے یمن میں الحدیدہ اور تعز گورنری کو نشانہ بناتے ہوئے حملہ کیا۔
یمنی میڈیا نے بتایا ہے کہ امریکی جارحیت نے الحدیدہ کے ہوائی اڈے کو چار حملوں کے ذریعے نشانہ بنایا جب کہ دیگر امریکی چھاپوں نے تعز گورنری کے ضلع مقبنہ کے علاقے البار میں مواصلاتی نیٹ ورک کو نشانہ بنایا۔
امریکہ نے یمن میں انصار اللہ تحریک کے خلاف بڑے پیمانے پر فوجی مہم جاری رکھنے کی دھمکی دیتے ہوئے کہا ہے کہ جب تک کہ یہ انصاراللہ بحیرہ احمر میں اسرائیل اور اسرائیل سے منسلک جہاز رانی کو نشانہ بنانا بند نہیں کرتا، فضائی حملے جاری رکھے گا۔
ان دھمکیوں کے باوجود انصار اللہ نے اپنے حملے جاری رکھے، اسرائیل کے اندر موجود مقامات اور بحیرہ احمر میں ملک کی طرف جانے والے بحری جہازوں کو نشانہ بنایا، اسرائیل کی جانب سے غزہ کی پٹی میں فلسطینیوں کے خلاف 18 مارچ کو دوبارہ جارحیت شروع ہونے کے بعد صہیونی دشمن کے بحری جہازوں کو نشانہ بنایا جا رہا ہے۔
