صنعاء (مرکزاطلاعات فلسطین فاؤنڈیشن) یمن کے مغربی صوبے الحدیدہ میں راس عیسیٰ آئل پورٹ پر امریکی فضائی حملوں میں اڑتیس یمنی شہری شہید اور درجنوں زخمی ہو گئے۔
یمنی میڈیا نے اطلاع دی ہے کہ مغربی یمن کے الحدیدہ میں واقع راس عیسیٰ آئل پورٹ پر امریکی جارحیت کے ساتھ یکے بعد دیگرے فضائی حملوں میں 38 افراد شہید اور 100 سے زائد زخمی ہوئے۔
المسیرہ ٹی وی نے حملے کے بعد کی فوٹیج نشر کی، جس میں جائے وقوعہ پر لاشیں بکھری ہوئی دکھائی گئیں۔
قبل ازیں حوثی فورسز نے پہلے اعلان کیا تھا کہ نو امریکی فضائی حملوں نے وسطی یمن میں البیضاء گورنری اور شمال میں صنعاء گورنری کو نشانہ بنایا، جو کہ یمنی گورنریوں پر امریکی طیاروں کی طرف سے ایک ماہ سے زائد عرصے سے جاری صہیونی جارحیت کا تسلسل ہے۔
دوسری جانب امریکی فوج نے اعلان کیا کہ اس کی فوج نے جمعرات کو یمن میں راس عیسیٰ آئل پورٹ کو تباہ کر دیا۔ امریکی حکام نے کہا کہ اس نے حوثیوں کو سپلائی اور فنڈنگ میں بری طرح متاثر کیا ہے۔
