اسرائیل کے عبرانی چینل 12 نے انکشاف کیا ہے کہ بن گوریون ہوائی اڈے کے ذریعے مقبوضہ فلسطین میں آباد ہونے کے لیے پہنچنے والی تقریباً 100 یوکرائنی خواتین نے بتایا ہے کہ انھیں اسرائیلی غاصب ریاست میں ’جسم فروشی‘ میں کام کرنے پر آمادہ کرنے کی کوشش کی گئی ہے۔
چینل نے مزید کہا کہ یہ کوششیں اس وقت شروع ہوئیں جب یوکرین کی خواتین تل ابیب کے بین گوریون ہوائی اڈے پر پہنچیں اور جب وہ ان ہوٹلوں میں سے ایک میں تھیں جہاں یوکرین سے آنے والے آبادکار آتے ہیں۔
چینل کے مطابق اسرائیلیوں نے اپنا ملک چھوڑنے والی یوکرینی لڑکیوں کے ساتھ بات چیت کرنے کی بھی کوشش کی اور انہیں یوکرین سے فرار ہونے اور “اسرائیل” پہنچنے کے لیے مالی مدد کی پیشکش کی۔ اس کے بدلے میں انھیں “جسم فروشی” یا گھریلو خدمت کے طور پر کام کرنے کی پیشکش کی۔
یوکرین میں جنگ کے بعد قابض ریاست نے یوکرین کے یہودیوں کے گروپوں کو مقبوضہ فلسطین میں آباد کرنے کے لیے ایک مہم شروع کی ہے۔
