Connect with us

اسرائیل کی تباہی میں اتنا وقت باقی ہے

  • دن
  • گھنٹے
  • منٹ
  • سیکنڈز

Palestine

ٹرمپ کی تجاویز فلسطینی عوام کے آزادانہ حقوق کے منافی ہیں:حماس

غزہ  (مرکزاطلاعات فلسطین فاؤنڈیشن) اسلامی تحریک مزاحمت ’حماس‘ نے امریکی صدر ڈونلڈ ٹرمپ کے غزہ کے فلسطینیوں کو مصر اور اردن منتقل کرنے کے بیانات کی شدید الفاظ میں مذمت کی ہے۔

غزہ کے عوام کے بارے میں امریکی صدر ڈونلڈ ٹرمپ کے بیانات پر ردعمل حماس نے کہا ہے کہ وہ اس امریکی تجویز کو ناکام بنا دے گی۔ اتوار کو حماس کے سیاسی بیورو کے رکن باسم نعیم نے غزہ کی پٹی کے مکینوں کو مصر اور اردن منتقل کرنے کے امریکی صدر کے خیال کو “ناکام” کرنے کے عزم کا اظہار کیا۔

انہوں نے مزید کہا کہ جس طرح ہمارے لوگ کئی دہائیوں میں نقل مکانی اور ایک متبادل وطن کے تمام منصوبے ناکام بناتے آرہے ہیں وہ ایسے منصوبوں کو بھی ناکام بنائیں گے.

تحریک اسلامی جہاد نے بھی اس تجویز کی مذمت کی اور کہا ہے کہ یہ تجویز “جنگی جرائم اور انسانیت کے خلاف جرائم” کی حوصلہ افزائی کر رہی ہے۔

انہوں نے ٹیلی گرام پلیٹ فارم پر اپنے اکاؤنٹ پر ایک بیان میں کہا کہ ہم امریکی صدر کے ان بیانات کی سخت ترین الفاظ میں مذمت کرتے ہیں جو ہمارے لوگوں کو اپنی سرزمین چھوڑنے پر مجبور کرکے جنگی جرائم کے ارتکاب کو جاری رکھنے کی حوصلہ افزائی کر رہے ہیں۔

یاد رہے 7 اکتوبر 2023 کو اسرائیلی جارحیت کے بعد سے قاہرہ اور عمان نے غزہ کی پٹی کی آبادی کی منتقلی کے کسی بھی اسرائیلی یا دوسرے منصوبے کو مستقل طور پر مسترد کیا ہے اور اسے دوسری نقل مکانی کی مہم قرار دیا ہے۔ انہوں نے فلسطینیوں کے اپنی زمین اور گھروں میں رہنے کے حق پر بھی بار بار زور دیا ہے۔

Click to comment

Leave a Reply

Your email address will not be published. Required fields are marked *

Copyright © 2018 PLF Pakistan. Designed & Maintained By: Creative Hub Pakistan