مقبوضہ بیت المقدس (مرکزاطلاعات فلسطین فاؤنڈیشن) پیر کی سہ پہر یمن سے داغے گئے میزائل کے گرنے کے بعد تل ابیب کے علاقے میں سائرن بجنے کے بعد بھگدڑ مچنے کے نتیجے میں پانچ اسرائیلی زخمی ہو گئے۔
میگن ڈیوڈ ایڈوم (اسرائیلی ایمبولینس) نے ایک مختصر بیان میں اس بات کی تصدیق کی کہ 5 اسرائیلی “تل ابیب” اور اس کے گردونواح میں محفوظ علاقوں تک پہنچنے کی کوشش کے دوران زخمی ہوئے۔
دوسری طرف یمنی کی مسلح فوج نے کہا کہ یمن میں داغے گئے میزائل سے”تل ابیب” کو یمنی میزائل سے نشانہ بنایا گیا تھا۔ اسرائیل کی انٹرسیپٹر میزائل اسے روکنے میں ناکام رہے جب اسے 12 انٹرسیپٹر میزائلوں سے نشانہ بنایا گیا۔
اسرائیلی میڈیا نے بتایا کہ یمن سے 3 میزائل داغے جانے کے بعد آج سہ پہر گوش دان اور تل ابیب کے علاقوں میں سائرن زور سے بجنے لگے۔ بین گوریون ہوائی اڈے پر ٹیک آف اور لینڈنگ کو روکنے کے علاوہ کمرہ عدالت میں سائرن بج رہے تھے جہاں نیتن یاہو گواہی دے رہے تھے۔
