غزہ (مرکز اطلاعات فلسطین فاؤنڈیشن ) اسلامی جہاد کے عسکری ونگ سرایا القدس نے اعلان کیا ہے کہ اس کے مجاہدین نے غزہ شہر کے جنوبی علاقے حی الزيتون میں قابض اسرائیلی فوج کے کمانڈ اینڈ کنٹرول ہیڈکوارٹر کو مارٹر گولوں سے نشانہ بنایا۔
سرايا القدس نے اپنے عسکری بیان میں وضاحت کی کہ یہ کارروائی تحریک فتح کے عسکری ونگ کتائب شہداء الاقصیٰ کے ساتھ مشترکہ آپریشن کے تحت انجام دی گئی۔
مزاحمتی دھڑوں نے گذشتہ بدھ کو اعلان کیا تھا کہ انہوں نے “عصا موسیٰ” کے نام سے ایک نئی عسکری مہم کا آغاز کیا ہے جس کا مقصد قابض اسرائیل کی “عربات جدعون 2” نامی جارحانہ کارروائی کا مقابلہ کرنا ہے جس کے ذریعے دشمن غزہ شہر پر قبضہ جمانا چاہتا ہے۔
اسی سلسلے میں اسلامی تحریک مزاحمت حماس ’حماس‘ کے عسکری ونگ القسام بریگیڈزنے شمالی غزہ کے جبالیہ میں قابض اسرائیلی فوجی گاڑیوں کو نشانہ بنانے کی ویڈیوز جاری کی ہیں۔ یہ کارروائیاں “عصا موسیٰ” آپریشن کا حصہ ہیں۔
مزاحمت کے ایک باخبر ذریعے نے بتایا کہ “عصا موسیٰ” کی پہلی جھڑپیں گذشتہ دنوں جبالیہ اور الزيتون میں شروع ہوئیں ۔یہ قابض اسرائیل کی “عربات جدعون 2” کے اعلان کے چند گھنٹوں بعد وقوع پذیر ہوئیں۔
