بیروت(مرکز اطلاعات فلسطین فاؤنڈیشن ) قابض اسرائیلی فوج کے جنگی طیاروں نے اتوار کی شام جنوبی لبنان کے مختلف علاقوں پر جارحانہ فضائی حملے کیے۔
لبنانی ذرائع ابلاغ کے مطابق اسرائیلی طیاروں نے سهل الميدنہ کے کناروں، کفررمان اور الجرمق کے درمیانی علاقے کو بمباری کا نشانہ بنایا۔
اسی دوران ایک اسرائیلی ڈرون نے بلدہ حومین الفوقا میں ایک گھر پر حملہ کیا جس کے نتیجے میں خوف و ہراس پھیل گیا اور شہریوں کو شدید نقصان پہنچا۔
یہ حملے اس حقیقت کو ایک بار پھر عیاں کرتے ہیں کہ قابض اسرائیل نہ صرف غزہ اور فلسطین بلکہ خطے کے دیگر ممالک کو بھی اپنی جارحیت کا نشانہ بنا رہا ہے تاکہ اپنی درندگی اور گریٹر اسرائیل کے مذموم منصوبے کو آگے بڑھا سکے۔
