غزہ (مرکزاطلاعات فلسطین فاؤنڈیشن) غزہ میں شہری دفاع کے ترجمان میجر محمود بسال نے تصدیق کی ہےکہ سول ڈیفنس کا عملہ بحالی کی کارروائیوں میں اپنا کام جاری رکھے ہوئے ہے اور انتہائی مشکل حالات میں سڑکوں اور گلیوں میں موجود لاشوں کو نکال رہا ہے۔
باسل نے میڈیا کے بیانات میں کہا کہ “کوششیں جاری ہیں اور ہم نے بحالی کے کاموں میں مدد فراہم کرنے کے لیے اپنی بساط میں سب کچھ کیا اور اب بھی کر رہے ہیں، لیکن زمینی صورتحال کو زیادہ صلاحیتوں کی ضرورت ہے”۔
بسال نے نشاندہی کی کہ شمالی غزہ کی پٹی میں حقیقت دیگر علاقوں سے بالکل مختلف ہے، کیونکہ یہ علاقہ سو دنوں سے زائد تک جاری رہنے والے زمینی آپریشن کے نتیجے میں بڑے پیمانے پر تباہی سے دوچار ہوا، اس کے علاوہ مسلسل بمباری کے نتیجے میں بہت سے گھروں کو ان کے مکینوں سمیت تباہ کردیا گیا۔
انہوں نے مزید کہا کہ “پٹی کا شمالی حصہ ملبے کا ڈھیر بن گیا ہے، جس کی وجہ سے وہاں بحالی کی کارروائیاں بہت مشکل ہو تی جا رہی ہیں، کیونکہ ریت، پتھر اور لاشیں آپس میں مل جاتی ہیں۔”
انہوں نے مزید کہا کہ “شمالی غزہ کی پٹی میں بحالی کی کارروائیوں کو غیر معمولی چیلنجوں کا سامنا کرنا پڑ سکتا ہے، کیونکہ باقی علاقوں کے مقابلے میں محدود تعداد میں لاشیں نکالی گئی ہیں، جبکہ دیگر گورنریوں میں بحالی کی کارروائیوں میں تعاون کی بدولت سہولت فراہم کی گئی ہے۔
انہوں نے نشاندہی کی کہ رفح گورنری میں سب سے زیادہ امدادی کارروائیوں کا مشاہدہ کیا، کیونکہ مختلف علاقوں سے تقریباً 150 شہداء کو نکالا گیا۔
انہوں نے زور دے کر کہا کہ درجنوں شہداء کو ایسے شہریوں نے بھی بازیاب کروایا جنہوں نے تلاش اور بچاؤ کی کارروائیوں میں بڑھ چڑھ کر حصہ لیا۔
“بسال” نے غزہ کی پٹی میں بھاری ساز و سامان اور مشینری لانے کی اپیل کرتے ہوئے اس بات پر زور دیا کہ جنگ بندی کے مسلسل تیسرے دن کے بعد سے، کوئی بھاری سامان نہیں پہنچا ہے۔ سول ڈیفنس کی بحالی کی کارروائیوں کو مکمل کرنے اور ملبہ ہٹانے کی صلاحیت میں بڑی رکاوٹ ہے۔ ملبے تلے سے شہیدوں کی لاشیں نکالنے کے لیے بھاری مشینری کی ضرورت ہے۔
