غزہ (مرکزاطلاعات فلسطین فاؤنڈیشن) قابض اسرائیلی فوج کے جنگی طیاروں نے غزہ کی پٹی کے جنوب میں خان یونس میں آغا خاندان کے گھر پر وحشیانہ بمباری کی ہے جس کے نتیجے میں آٹھ شہری شہید ہوگئے۔
مقامی ذرائع نے تصدیق کی کہ قابض فوج کے جنگی طیاروں نے خان یونس میں الآغا خاندان کے گھر کو نشانہ بنایا۔ جس کے نتیجے میں 8 افراد شہید اور لاپتہ ہو گئے۔ بمباری میں متعدد افراد زخمی بھی ہوئے ہیں۔
شہداء میں محمد نائل خلیل الآغا، محمد باسم شکری الآغا، عبادہ جہاد شکری الآغا، خدیجہ جہاد شکری الآغا، افنان جہاد شکری الآغا، بسمہ محمد باسم الآغا ، ابو حمد المعثم المحمود اور محمد بن حمد المعروف محمود المعروف کے ناموں سے کی گئی ہے۔
طبی ذرائع کے مطابق پیر کی صبح سے غزہ کی پٹی پر جاری اسرائیلی فضائی حملوں میں 45 فلسطینی شہید ہوگئے تھے۔
قابض اسرائیلی فوج منظم طریقے سے غزہ کی پٹی میں آباد مکانات کو نشانہ بنانے کی پالیسی پر عمل پیرا ہے۔ یہ پالیسی ایک فوجی حکمت عملی کا حصہ ہے جس کا مقصد زیادہ سے زیادہ شہری ہلاکتوں کا ریکارڈ قائم کرنا ہے۔
