غزہ (مرکز اطلاعات فلسطین فاؤنڈیشن) غزہ کی سرزمین پر فلسطینی عوام اور مقدس مقامات کے دفاع کے لیے شروع کی گئی جدوجہد “طوفان الاقصیٰ” کے تحت فلسطینی مزاحمتی گروہ پوری قوت سے دشمن کے حملوں کا جواب دے رہے ہیں۔ اس مزاحمتی معرکے میں القسام بریگیڈز نے ایک اور بڑی کارروائی کرتے ہوئے جنوبی غزہ میں قابض اسرائیل کی ایک جدید ترین میرکافا ٹینک کو زمین بوس کر دیا ہے، جس کے نتیجے میں اس میں سوار کئی صہیونی فوجی ہلاک اور زخمی ہوئے ہیں۔
القسام بریگیڈز نے بدھ کے روز ایک مختصر بیان میں تصدیق کی کہ ان کے مجاہدین نے منگل کی شام خان یونس کے مشرقی علاقے الزنہ میں قابض اسرائیلی فوج کی ایک میرکافا ٹینک کو ایک انتہائی طاقتور زمینی دھماکہ خیز آلہ سے نشانہ بنایا۔ کارروائی اتنی بھرپور تھی کہ ٹینک مکمل طور پر تباہ ہو گیا، اور اس میں سوار صہیونی فوجیوں میں سے کچھ موقع پر ہی مارے گئے اور کچھ شدید زخمی ہو گئے۔
واقعے کے بعد قابض اسرائیلی فوج کی ایک ہیلی کاپٹر جائے وقوعہ پر اتری تاکہ زخمیوں کو فوری طور پر نکالا جا سکے، جو اس حملے کی سنگینی اور دشمن کی بدحواسی کا واضح ثبوت ہے۔
قابض اسرائیلی فوج نے خود بھی آج بدھ کے روز تسلیم کیا کہ مشرقی غزہ کے علاقے الشجاعیہ میں ان کے خلاف فلسطینی مزاحمت نے چار مختلف حملے کیے ہیں۔
قابض اسرائیل کے فوجی ریڈیو نے اعتراف کیا کہ ایک فلسطینی مجاہد نے ایک ایسے مکان پر ٹینک شکن راکٹ داغا جہاں صہیونی فوج کی “ایگوز یونٹ” کے اہلکار موجود تھے، جس کے نتیجے میں دو صہیونی فوجی زخمی ہو گئے۔
ایک اور مجاہد نے قابض اسرائیل کی ایک ٹینک کو براہ راست راکٹ سے نشانہ بنایا، جس کے نتیجے میں ایک فوجی ہلاک اور تین شدید زخمی ہوئے۔
اسی طرح ایک فلسطینی سنائپر نے قابض اسرائیلی فوج کے ایک اہلکار کو گولی مار کر شدید زخمی کر دیا، جب کہ دیگر مجاہدین نے ایک قابض اسرائیلی D9 بلڈوزر پر دھماکہ خیز مواد سے حملہ کیا جس کے نتیجے میں دو اور صہیونی فوجی زخمی ہو گئے۔
آج دن کے آغاز میں تحریک جہاد اسلامی کے عسکری ونگ “سرايا القدس” نے بھی مشرقی الشجاعیہ میں ایک منظم اور بڑی کارروائی کی تفصیلات جاری کیں۔
سرايا القدس کے ایک فیلڈ کمانڈر نے اپنی تحریک کی سرکاری ٹیلیگرام چینل پر جاری بیان میں بتایا کہ ان کے مجاہدین نے آج صبح ایک مربوط اور پیچیدہ حملہ کیا جس کا ہدف قابض اسرائیلی فوج کی درجنوں گاڑیاں اور فوجی اہلکار تھے۔ یہ کارروائی “مربع الھدیٰ” کے علاقے میں انجام دی گئی جہاں صہیونی افواج کی نقل و حرکت جاری تھی۔
