قاہرہ (مرکزاطلاعات فلسطین فاؤنڈیشن) مصر کے وزیر خارجہ بدر عبدالعطی نے اپنے ملک کی جانب سے غزہ کی رفح کراسنگ اور فلاڈیلفیا کے محور پر جنوبی غزہ کی پٹی کے ساتھ سرحد پر فلسطینی جانب اسرائیلی فوجی موجودگی کو مسترد کردیا۔
انہوں نے کہ بات اقوام متحدہ کے ڈپٹی سیکرٹری جنرل انتونیو گوتریس کے نائب امینہ محمد کے درمیان قاہرہ میں ملاقات کے دوران کی۔
مصری وزارت خارجہ نے ایک بیان میں کہا ہے کہ ملاقات کے دوران عبدالعاطی نے “غزہ کی پٹی میں انسانی امداد تک رسائی کے لیے جاری کوششوں کے لیے بین الاقوامی برادری کی حمایت کی اہمیت پر زور دیا”۔
انہوں نے زور دیا کہ “کانفرنس کے شرکاء کی جانب سے فوری جنگ بندی کی ضرورت کے بارے میں فیصلہ کن سیاسی پیغام بھیجنے اور روزانہ اسرائیلی خلاف ورزیوں کو روکنے کی اہمیت پر زور دیا جو بین الاقوامی قانون اور بین الاقوامی انسانی قانون کے اصولوں سے متصادم ہیں۔”
عبدالعاطی نے غزہ میں جنگ بندی کے حصول کے لیے قاہرہ کی جاری کوششوں پر بھی روشنی ڈالی۔ انہوں نے کہا کہ مصر کی جانب سے پٹی میں انسانی امداد کے داخلے کے لیے اقوام متحدہ کے ساتھ مستقل تعاون جاری رکھا جائے گا۔
انہوں نے زور دے کر کہا کہ “مصر رفح کراسنگ اور فلاڈیلفیا کے محور کے فلسطینی اطراف میں اسرائیلی فوجی موجودگی کو مسترد کرتا ہے اور انسانی امداد کے بہاؤ میں رکاوٹ قبول نہیں کرے گا”۔
عبدالعاطی نے فلسطینی پناہ گزینوں کی ریلیف اینڈ ورکس ایجنسی ’انروا‘ کے لیے مصر کی حمایت اور اسرائیل کے حالیہ فیصلوں کو مسترد کردیا۔ ان کا کہنا تھا کہ انروا کے خلاف اسرائیلی فیصلوں کا مقصد فلسطینی علاقوں میں اس کی سرگرمیاں روکنا ہے۔
اسی تناظر میں عبدالعاطی نے اقوام متحدہ سے مطالبہ کیا کہ وہ ونرو کے کمشنر جنرل کے لیے اپنی حمایت جاری رکھے اور ایجنسی کو تبدیل کرنے کے لیے کسی بھی تجویز کو قبول نہ کرے۔
