جنین [مرکز اطلاعات فلسطین فاونڈیشن]ایک طرف جہاں گزشتہ دنوں جنین میں صیہونی دہشتگردی کا بازار عروج پر تھا، وہیں فلسطین میں مزاحمتی محاذ کی کارروائیوں میں بھی شدت آ گئی ہے اور گذشتہ 24 گھنٹے کے دوران 110 بار صیہونی فوجیوں کو نشانہ بنایا گیا ہے۔
فلسطین کے مزاحمتی محاذ نے گزشتہ 24 گھنٹوں کے اندر صیہونی فوجیوں کو 110 بار غرب اردن اور مقبوضہ بیت المقدس کے مختلف علاقوں میں نشانہ بنایا، ان پر فائرنگ کی اور دھماکہ خیز مواد پھینکا گیا۔ ان مزاحمتی کارروائیوں میں 14 صیہونی زخمی اور ایک صیہونی فوجی ہلاک ہوا ہے۔
رپورٹ کے مطابق، قدس، نابلس، قلقیلیه، بیت لحم، البیره، رام اللہ، طولکرم اور جنین وہ علاقے تھے جہاں غاصب فوجیوں کو سب سے زیادہ نشانہ بنایا گیا۔
قابل ذکر ہے کہ صیہونی فوجیوں نے پیر کے روز سے جنین پر دھاوا بول کر 13 فلسطینیوں کو شہید اور 100 کو زخمی کردیا تھا۔
