مقبوضہ بیت المقدس (مرکزاطلاعات فلسطین فاؤنڈیشن) اسلامی تحریک مزاحمت (حماس) نے اردن اور مصر کے بھائیوں کے جرات مندانہ موقف کو سراہتے ہوئے کہا ہے کہ غزہ پر قابض صہیونی اور امریکی استعماری قبضے اور فلسطینی آبادی کی جبری ھجرت کی سازشوں کےخلاف قاہرہ اور عمان کا موقف قابل تحسین ہے۔
حماس کی نے بدھ کے روز ایک بیان میں اردن کی جانب سے نقل مکانی، آبادکاری اور متبادل وطن کے منصوبوں کو مسترد کرنےپر مبنی موقف کو سراہا۔ بیان میں کہا گیا ہے کہ عالمی استعمار فلسطینی عوام کی شناخت کو مٹانے اور ان کے منصفانہ نصب العین کو ختم کرنے کی سازشوں میں غاصب صہیونیوں کے ساتھ کھڑا ہے۔
انہوں نے عرب ممالک اور دنیا کے تمام ممالک کی طرف سے فلسطینیوں کی جبری ھجرت کے خلاف امریکی صدر ڈونلد ٹرمپ کے مکروہ عزائم کی مذمت کو سراہا۔
حماس نے زور دے کر کہا کہ ہمارے لوگ اپنی سرزمین اور وطن کے لیے پرعزم رہیں گے، اور ایسے کسی بھی حل کو قبول نہیں کریں گے جو ان کے آزادی اور ان کے جائز حقوق سے انہیں محروم کرے۔
پچیس جنوری سے امریکی صدر فلسطینیوں کو غزہ سے بے گھر کر کے ہمسایہ ممالک بالخصوص اردن اور مصر میں منتقل کرنے کے منصوبے کو فروغ دے رہے ہیں جسے دونوں ممالک نے مسترد کر دیا ہے۔ اس کے علاوہ عالمی سطح پر بھی ٹرمپ کے منصوبے کو پذیرائی حاصل نہیں ہوئی۔
