مغربی کنارہ (مرکزاطلاعات فلسطین فاؤنڈیشن) اسلامی تحریک مزاحمت ’حماس‘ کے رہنما حسام بدران نے زور دے کر کہا ہے کہ فلسطینی عوام اپنی سرزمین پر ثابت قدم اور پرعزم ہیں اور امریکی صدر کے موقف سے قطع نظر اس سے دستبردار نہیں ہوں گے۔
بدران نے ایک پریس بیان میں اس بات پر زور دیا کہ مسلمانوں کے مقدس ترین ایام میں مسجد الاقصی پر قابض صہیونیوں کے حملے ہمارے مقدس مقامات کے خلاف قابض کی دشمن کی سفاکیت اور اس کی جاری مذہبی جنگ کا ثبوت ہیں۔
انہوں نے مزید کہا کہ “ہمارے لوگ نقل مکانی کے تمام منصوبوں میں ناکام ہوں گے، اور مسجد اقصیٰ کو قابض ریاست کی جارحیت اور یہودیت سے بچانے کے لیے ایک ڈھال بنے رہیں گے”۔
بدران نے کہاکہ “ہم جنگ بندی کے معاہدے کو اس کے مختلف مراحل میں نافذ کرنے کے لیے پرعزم ہیں۔
انہوں نے وضاحت کی کہ حماس نے مطالبہ کیا کہ ثالث ممالک قابض ریاست کو جنگ بندی کے معاہدے کی پاسداری پر مجبور کریں، خلاف ورزیاں بند کریں اور تمام منظور شدہ شرائط پر عمل درآمد کریں۔
بدران نے نشاندہی کی کہ حماس کسی بھی ایسی تجویز کا خیرمقدم کرتی ہے جو ہمارے لوگوں کے حقوق کو یقینی بناتے ہوئے قابض ریاست کے ساتھ جنگ بندی کے معاہدے کو نافذ کرنے کا ذریعہ بنے۔
