رام اللہ (مرکزاطلاعات فلسطین فاؤنڈیشن) اسرائیلی وزیر دفاع یسرائیل کاٹز نے رہائی پانے والے فلسطینی قیدیوں پر پابندیاں عائد کرنے کا فیصلہ کیا ہے۔ ان کا کہنا ہے کہ یہ فیصلہ اس لیے کیا گیا ہے کہ 1948 میں مقبوضہ فلسطینی علاقوں میں انہیں فلسطینی اتھارٹی سے مالی واجبات ملتے ہیں۔
منگل کو یدیعوت احرونوت اخبار کی رپورٹ کے مطابق یہ فیصلہ رہا ہونے فلسطینی والے قیدیوں اور ان کے اہل خانہ کو متاثر کرےگا۔ یہ اقدام اسرائیلی خفیہ ایجنسی “شاباک” کے ساتھ شراکت میں نام نہاد “کونسل فار کامبیٹنگ اکنامک ٹیررازم” کی سفارش کے بعد سامنے آیا ہے۔
اخبار نے نشاندہی کی کہ کاٹز کا فیصلہ جاری ہونے کے بعد قابض پولیس نے گھروں پر دھاوا بول دیا اور لاکھوں شیکل مالیت کی جائیداد اور رقم ضبط کر لی۔
اس نے وضاحت کی کہ یہ ضبط شدہ رقم کاٹز کے فیصلے کے مطابق قاتلوں کے لیے انعام کے بجائے نام نہاد “فلسطینی دہشت گردی” سے متاثر ہونے والے اسرائیلی خاندانوں کو ادا کی جائے گی۔
قابض وزیر دفاع نے کہا کہ وہ فلسطینی اتھارٹی کو اسرائیلیوں کو مارنے اور نقصان پہنچانے کے بدلے میں کارروائیوں کے مجرموں کو انعامات دینے کی اجازت نہیں دیں گے۔ ان کا کہنا تھا “فلسطینی اتھارٹی کی طرف سے ادا کی گئی خون کی رقم دہشت گردی کا ایندھن ہے”۔
انہوں نے مزید کہا کہ “اسرائیل میدان جنگ میں، اقتصادی میدان میں اور ہر میدان میں دہشت گردی کے خلاف ایک جامع جنگ میں ہے۔ اس جنگ میں ہمیں جس چیز کی ضرورت ہے وہ کریں گے۔جو بھی اسرائیل کے خلاف کارروائی کا انتخاب کرے گا اسے بھاری قیمت چکانا پڑے گی”۔
فلسطینی اتھارٹی کی جانب سے 2024 میں کارروائیوں کے مرتکب افراد کو ادائیگیوں کے بارے میں وزیر دفاع کی جانب سے کابینہ کو پیش کی گئی رپورٹ کے مطابق فلسطینی اتھارٹی کے لیے مختص کیے گئے کلیئرنس فنڈز کے 470 ملین شیکلز کو منجمد کر دیا گیا ہے۔ یہ رقم اسرائیلی ہلاک ہونے والے اسرائیلیوں کے اہل خانہ کو معاوضے کے طور پر دے گا۔
