دی ہیگ (مرکزاطلاعات فلسطین فاؤنڈیشن) بین الاقوامی فوجداری عدالت نے کہا ہےکہ اس نے اسرائیلی وزیر اعظم بنجمن نیتن یاہو کی گرفتاری کی عدالت کی درخواست پر عمل نہ کرنے پر ہنگری کے خلاف کارروائی شروع کر دی ہے۔
بین الاقوامی عدالت انصاف نے ہنگری سے درخواست کی ہے کہ وہ 23 مئی تک عدالت کی درخواست پر اپنے جوابات جمع کرائے۔
تین اپریل کو ہنگری نے اسرائیلی ریاست کے نام نہاد انتہا پسند وزیراعظم بنجمن نیتن یاہو کی غزہ کی پٹی میں فلسطینیوں کے خلاف منظم جرائم کی وجہ سے بین الاقوامی فوجداری عدالت کو مطلوب ہونے کے باوجود نیتن یاھو کا استقبال کرکے مجرم کے خلاف جاری وارنٹ گرفتاری کی مخالفت کی تھی۔
اس دورے کے موقع پر ہنگری کی حکومت نے بین الاقوامی فوجداری عدالت سے دستبرداری کے لیے طریقہ کار شروع کرنے کا اعلان کیا۔
نیتن یاہو کے استقبال اور بین الاقوامی فوجداری عدالت سے دستبرداری پر ہنگری کے موقف کی فلسطین کے سرکاری اداروں اور دھڑوں کی طرف سے شدید مذمت کی گئی تھی۔
بین الاقوامی فوجداری عدالت نے 21 نومبر 2024 کو سابق وزیر دفاع یوآو گیلنٹ اورنیتن یاھو کو “غزہ کی پٹی میں فلسطینیوں کے خلاف جنگی جرائم اور انسانیت کے خلاف جرائم کے ارتکاب” کے الزام میں گرفتاری کے وارنٹ جاری کیے جانے کے بعد سے نیتن یاہو کا ہنگری کا دورہ ان کا پہلا غیر ملکی دورہ ہے۔
