مقبوضہ بیت المقدس ۔ (مرکزاطلاعات فلسطین فاؤنڈیشن) سنہ 1948 ء کے مقبوضہ فلسطینی علاقوں میں یہودیوں کی طرف سے فلسطینیوں کوی نشانہ بنائے جانے کا سلسلہ جاری ہے۔ گذشتہ روز اندرون فلسطین میں فائرنگ کے واقعے میں ایک اور فلسطینی کو شہید کردیاگیا۔ عکا شہر میں ایک فلسطینی کو فائرنگ ک میں قتل کر دیا گیا، جس سے سال کے آغاز سے اب تک اس جرم میں شہید ہونے والوں کی مجموعی تعداد 11 ہو گئی ہے۔
اسرائیلی نشریاتی ادارے نے اطلاع دی ہے کہ شہری جمیل خلیلہ جس کی عمر 57 برس تھی کو جمعرات کو گولی ماری گئی۔ اسے تشویشناک حالت میں نہاریہ ہسپتال منتقل کیا گیا جہاں وہ زخموں کی تاب نہ لاتے ہوئے دم توڑ گیا۔
انہوں نے نشاندہی کی کہ عکا میں فائرنگ کے ایک واقعے کے نتیجے میں ایک فلسطینی کے شدید زخمی ہونے کی اطلاع اسرائیلی ایمبولینس اتھارٹی کو پہنچی، جہاں ایمبولینس کا عملہ جائے حادثہ پر پہنچا اور اس شخص کو ابتدائی طبی امداد فراہم کی۔
ابراہیم انیشی ایٹو ایسوسی ایشن کے مطابق خلیلہ کے قتل کے ساتھ اس سال کے آغاز سے مقبوضہ اندرونی علاقوں میں جرائم میں شہید ہونے والے افراد کی تعداد 11 ہو گئی ہے۔
سال 2024 میں 1948 کے مقبوضہ فلسطینی علاقوں کے اندر 221 فلسطینیوں کو قتل کیا جب کہ 2023 کے دوران 222 قتل کیے گئے تھے۔
