بیروت (مرکزاطلاعات فلسطین فاوؑنڈیشن) جنوبی لبنان کے قصبوں قنا اور رمادی کو جانے والی سڑک پر اسرائیلی ڈرون حملے میں دو افراد شہید ہو گئے۔
لبنانی میڈیا نے بتایا کہ اسرائیلی جنگی طیاروں نے مروج الریحان، ذور سجاد، عیتہ الشعب، کفر کلیہ اور میس الجبل پر حملے کیے ہیں۔
قابض فوج کے توپ خانے اور فاسفورس کے گولوں نے خیام، العدیسہ، مرجعون میدان اور تلہ العوائدہ کے قصبوں کو بھی نشانہ بنایا۔
خیال رہے کہ سات اکتوبر 2023ء کو غزہ پر اسرائیلی جارحیت کےآغاز کے بعد لبنان پر اسرائیلی بمباری روز کا معمول بن چکی ہے جس میں بڑی تعداد میں لوگ شہید ہوئے ہیں۔
