بیروت (مرکزاطلاعات فلسطین فاؤنڈیشن) لبنان کے سول ڈیفنس ڈائریکٹوریٹ جنرل نے اتوار کے روز اعلان کیا کہ اس کی تلاش اور امدادی ٹیمیں لبنانی فوج کے تعاون سے “صور حرفہ” قصبے سے 11 شہداء کی لاشیں اور باقیات نکالنے میں کامیاب ہوگئیں۔
ڈائریکٹوریٹ نے کہا کہ ٹیموں نے لبنان پر حالیہ اسرائیلی جارحیت کے بعد لاپتہ افراد کی تلاش کے لیے جاری کوششوں کے ایک حصے کے طور پر علما الشعب قصبے سے دو لاشیں اور پانچ شہداء کی باقیات بھی برآمد کی ہیں۔
شہری دفاع کی ٹیموں نے لبنانی فوج کے تعاون سے جنوبی لبنان کے قصبے علما الشعب سے دو لاشوں اور 5 شہداء کے باقیات کے علاوہ صور حرفہ قصبے سے 11 شہداء کی لاشیں اور باقیات برآمد کیں۔
حزب اللہ اور اسرائیل کے درمیان جنگ بندی کا معاہدہ 27 نومبر بروز بدھ کی صبح سے نافذ العمل ہوا، جس سے سرحد پار سے 13 ماہ سے زائد فوجی محاذ آرائی اور دونوں فریقوں کے درمیان دو ماہ کی کھلی جنگ ختم ہوئی۔
دریں اثناء قابض اسرائیلی فوج نے جسے امریکہ اور یورپ کی حمایت حاصل ہے مسلسل 464 دنوں سے غزہ کی پٹی پر اپنی جارحیت کا سلسلہ جاری رکھا ہوا ہے، جہاں اس کے طیارے ہسپتالوں، عمارتوں، ٹاورز اور فلسطینی شہریوں کے گھروں پر بمباری کر رہے ہیں اور انہیں تباہ کر رہے ہیں۔
اس جارحیت نے 156,200 سے زیادہ فلسطینی شہید اور زخمی ہوئے، جن میں زیادہ تر بچے اور خواتین تھیں۔ 11,000 سے زیادہ لاپتہ ہوئے ہیں۔
